मर्‌कुस 2:17 - माझी

¹⁷ ह्‍य सुनिके येसुन होल्‍काइ बल्‌-ल्‍याक,“डाक्‍टर सद्‌देल्‍काइ बया, तर बिरामिल्‍काइ चाइछइ। उन्‍खाए मुइ धर्‌मातिल्‍काइ बया, तर पापिल्‍काइ बाचाइ आइल हो।”

मर्‌कुस 2:17 ပူးပေါင်းရင်းမြစ်များ

लुका 15:10

मुइ तोराल्‍काइ बल्‍छु, इनिखे ने आफ्‍ने पाप मानिलिके फर्‌किनार एउटो पापिकर लागि परमेसोरकर स्‍वर्‌गदुतलत पुनि खुसि हक्‍नारआछत।”

लुका 15:29

तर होइनिन ब्‍वाकलाइ बलल्‍ते, ‘यत्‍रा बर्‌ससम्‍म मुइनिन तोर सेवा गर्‌नाइ र तुइ बल्‍ल सेब्‍बे कुरो मान्‍नाइ तर पुनि तुइनिन मुइलाइ साथिकोसिन बसिके खुसियालि मानाइलाइ एउटो पाठासम्‍म बइदिलइ।

लुका 15:7

मुइ तोराल्‍काइ बल्‍छु, इनिखे आफ्‍ने पाप मानिलेइ बइपर्‌नार उनान्‍सय धर्‌मातिल्‍को लागि भन्‍दा आफ्‍ने पाप मानिलिके फर्‌किनार एउटो पापिकर लागि स्‍वर्‌गनाइ अजइ बढ्‌ता खुसियालि हक्‍नारआछ।”

लुका 16:15

अनि येसुन होल्‍काइ बल्‌-ल्‍याक, “तोरा मान्‍छेल्‍को अगाडि आफिलाइ धर्‌माति देखाइ हेर्‌छो, तर परमेसोरिन तोराल्‍को हिर्‌दय जान्‍छइ। मान्‍छेल्‍को नजरनाइ जे कुरो मजार आछि, परमेसोरकर नजरनाइ ह्‍व घिरित हक्‍छइ।

लुका 19:10

किनारइभने मानुसकर बेटाक नाठ्‌लाल्‍काइ हेरइ र बाचाइ बाजिके आइल हो।”

पेरित 20:21

मुइनिन यहुदि र आने जातकराइ मान्‍छेल्‍काइ आ-आफ्‍ने पाप छाडिके परमेसोरदिसउने फर्‌को र पर्‌भु येसुनाइ बिस्‍वास गरो बाजिके चेतावनि दिनाइ, ह्‍व सेब्‍बे कुरो तोराल्‍काइ था रोइस्‍या।

पेरित 26:20

सबभन्‍दा पइला दमस्‍कसनाइ, अनि यरुसलेमनाइ, सारा यहुदिया छेत्‍रनाइ, र आने जातिल्‍काइ पुनि आ-आफ्‍ने पापलाइ मानिलिके परमेसोरदिसउने फर्‌को र आफ्‍ने पाप मानिलिके परमेसोरदिस फर्‌किल हो बाजिके कामबान पर्‌मान देइ, बाजिके पर्‌चार गर्‌नाइ।

तितस 2:14

खिरिस्‍टनिन हाम्‍रो सेब्‍बे पापबान हाइलाइ छुट्‌कारा देइकर लागि आफ्‍ने परान दिले। होइनिन आफ्‍ने लागि हाइलाइ सुद्‌द पारिके आफ्‍ने मान्‍छे बानाइले र असल काम गरइ जोसिलो मन दिले।