मर्‌कुस 2:12 - माझी

¹² ह्‍व उठ्‌ले र खाट बोकिके उछ्‌यान हिनिहाल्‍ले। ह्‍य देखिके मान्‍छेलत छक्‍क पर्‌ला र परमेसोरकर पर्‌सन्‍सा गर्‌तिन बाज्‍ला, “इन्‍खा ता हाइनिन कइले पुनि देख्‍लाइ बइने।”

मर्‌कुस 2:12 ပူးပေါင်းရင်းမြစ်များ

मर्‌कुस 1:27

ह्‍य देखिके सेब्‍बाइ अचम्‍म मान्‍ला, र आफि-आफिनाइ सोदासोद गरइ लाग्‍ला, “ह्‍य केति हो? ह्‍य ता नयाँ सिछ्‌या रल्‍तिसइ। हेइनिन ता अधिकार सहित भुत आत्‍माल्‍काइ आग्‍या दिस्‍याक, र होल्‍किन हेक्‍र आग्‍या मान्‍छत।”

मर्‌कुस 2:11

“मुइ तुइलाइ बल्छु, उठ, र आफ्‍ने खाट बोकिके घर जा।”

लुका 13:13

येसुन ह्‍व उप्‍रान आफ्‍ने हात धर्‌ले र ह्‍व तुरुन्‍तइ सिदा हकिके परमेसोरकर पर्‌सन्‍सा गरइ लाग्‍लि।

लुका 17:15

होलत मद्‌दे एउटोन आफि बिसेक हक्‍ल था पाइले र बड्‌खो सोरिन परमेसोरकर पर्‌सन्‍सा गर्‌तिन फर्‌किके आइले।

लुका 5:26

होलत सेब्‍बाइ अचम्‍म मान्‍ला र परमेसोरकर इन्‍खा सक्‍ति देखिके डाराइला। होल्‍किन परमेसोरकर पर्‌सन्‍सा गर्‌तिन बाज्‍ला, “आज हाइनिन कइले बइदेख्‍ल अचम्‍मकर कुरो देख्‍ले।”

लुका 7:16

इन्‍खा सक्‍ति देखिके सेब्‍बाइ मान्‍छेलत छक्‍क पर्‌तिन डाराइला अनि परमेसोरकर पर्‌सन्‍सा गर्‌तिन बाज्‍ला, “एउटो बड्‌खो अगमबक्‍ता हाम्‍रो माजनाइ देखा पर्‌लाछ” र “परमेसोर आफ्‍ने जनकाइ बाचाइ आइलाछ।”

पेरित 4:21

महासभाकराइ मान्‍छेल्‍किन पत्‍रुस र युहन्‍नालाइ सजाय दिनार केइ उपाय बइभेट्‌टाइला, होइहुदान होल्‍काइ अजइ धेरे धम्‍कि दिके छाड्‌दिल्‍याक। किनारइभने होल्‍किन गर्‌ल अचम्‍मकर काम देखिके सेब्‍बाइ मान्‍छेल्‍किन परमेसोरकर पर्‌सन्‍सा गरिधर्‌लाइ रइला।