मर्‌कुस 16:6 - माझी

⁶ तर ह्‍व छोडारिन होल्‍काइ बल्‌-ल्‍याक, “अचम्‍म जुनमानो, तोरा कुरुसनाइ झुन्‍डाइल नासरतकर येसुलाइ हेरिधर्‌लाछो। येसु इछि बइने, ह्‍व ता जिउँते हकिके उठिसक्‍लाछ। होलाइ धर्‌ल ठउँ हेरो।

मर्‌कुस 16:6 ပူးပေါင်းရင်းမြစ်များ

मर्‌कुस 1:24

होइनिन साराइतिन बाज्‍ले, “हे नासरतकर येसु, तुइनिन हाइलाइ केति गरइ लाग्‍ल? केति तुइ हाइलाइ नस्‍ट गरइ आइल हो? मुइ तुइलाइ चिन्‍छु, तुइ परमेसोरिन पाठाइल पबित्‍र जन हो।”

मर्‌कुस 1:27

ह्‍य देखिके सेब्‍बाइ अचम्‍म मान्‍ला, र आफि-आफिनाइ सोदासोद गरइ लाग्‍ला, “ह्‍य केति हो? ह्‍य ता नयाँ सिछ्‌या रल्‍तिसइ। हेइनिन ता अधिकार सहित भुत आत्‍माल्‍काइ आग्‍या दिस्‍याक, र होल्‍किन हेक्‍र आग्‍या मान्‍छत।”

मर्‌कुस 10:34

होल्‍किन होलाइ गिल्‍ला गर्‌नारआछत, थुक्‍नारआछत, कोर्‌रा लाइनारआछत र मार्‌नारआछत, तर तिन दिननाइ ह्‍व मर्‌लबान जिउँते हकिके उठ्‍नारआछ।”

मर्‌कुस 14:33

तर येसुन पत्‍रुस, याकुब र युहन्‍नालाइ आफिसिन लाकाइल्‍याक, र येसु एकदम दुखित हकिके छटपटाइ लाग्‍ले।

मर्‌कुस 9:15

सेब्‍बाइ भिडकिन येसुलाइ देख्‍लेसात एकदम अचम्‍म मान्‍ला र कुत्‍तिन जाइके येसुलाइ सेवाढोग गर्‌ला।

लुका 24:46

येसुन होल्‍काइ बल्‌-ल्‍याक, “धर्‌मसास्‍तरनाइ इत्‍तिके लेख्‍लाछि, मुक्‍ति दिनार खिरिस्‍टनिन दुख भोगइ ने पर्‌छि र मर्‌ल तिन दिननाइ फेरि जिउँते हकइ पर्‌छि।

पेरित 2:24

तर परमेसोरिन होलाइ मर्‌लबान जिउँते पारल्‍ते, र मिर्‌त्‍युकर बन्‍धनबान छुटाल्‍ते, किनारइभने मिर्‌त्‍युन येसुलाइ रोकिधरइ असम्‍भब रल्‍ति।

पेरित 4:10

तोराल्‍काइ र इज्‍राएलकराइ सेब्‍बाइ मान्‍छेल्‍काइ था हक्‍दिक कि तोराल्‍किन कुरुसनाइ टागिकइ मार्‌लाइ, र परमेसोरिन मर्‌लबान जिउँते पार्‌ल, होइ नासरतकर येसु खिरिस्‍टकर नाउँनाइ ह्‍य मानुस तोराल्‍को अगाडि बिसेक हकिके ठडाइलाछ।