मर्‌कुस 16:18 - माझी

¹⁸ होल्‍किन सापा आठाइनार आछत, कुनइ बिखालु कुरो खाइतिन तापुनि होल्‍काइ केइ हानि गर्‌नार बइने। होल्‍किन बिरामि उप्‍रान आफ्‍ने हात धर्‌तिन होलत बिसेक हक्‍नार आछत।”

मर्‌कुस 16:18 ပူးပေါင်းရင်းမြစ်များ

मर्‌कुस 5:23

र बिन्‍ति गर्‌तिन बाज्‍ले, “मोरि स्‍यान्‍खि बेटेक सिकिस्‍त बिरामि आछि, तुइनिन आइके आफ्‍ने हात ह्‍व उप्‍रान धर्‌लइ भने ह्‍व बिसेक हक्‍नालि र बाच्‍नालि।”

लुका 10:19

मुइनिन तोराल्‍काइ सापा र बिच्छिल्‍काइ खुनिकइ हिन्‍नार सक्‍ति र सतुरको सेब्‍बे सक्‍तिलाइ जित्‍नार अधिकार दिलाछु। केइ कुरोन तोराल्‍काइ नोक्‍सान गर्‌नार बइने।

पेरित 19:12

इन्‍खासम्‍म कि पावलिन परयोग गर्‌ल रुमाल या मुज्‍यात्‍रो लाकाइके बिरामिल्‍काइ छ्‌वाइतिन पुनि होलत रोगबान बिसेक हक्‍तेला र भुत आत्‍मालत निस्‍किके जाइतेला।

पेरित 3:12

ह्‍य देखिके पत्‍रुसिन मान्‍छेल्‍काइ बल्‌-ल्‍याक, “हे इज्‍राएलकराइ मान्‍छे हो, तोरा ह्‍य कुरोनाइ किनारइ अचम्‍म मान्‍छो? तोराल्‍किन ह्‍य मानुसलाइ हाइनिन आफ्‍ने सक्‍ति र भक्‍तिन ने हिन्‍नार गराइल जिन्‍खाए हाइलाइ किनारइ ट्‌वाल्‍ल परिके हेर्‌छो?

पेरित 3:16

येसुकर नाउँनाइ बिस्‍वास गर्‌ल हुदान तोराल्‍किन देख्‍ल र चिन्‍ल ह्‍य मानुसिन तागत पाइले। येसुबान पाइल बिस्‍वासिन ह्‍य मानुस तोरा सेब्‍बाल्‍को अगाडि बिसेक हक्‍लाछ।

पेरित 4:10

तोराल्‍काइ र इज्‍राएलकराइ सेब्‍बाइ मान्‍छेल्‍काइ था हक्‍दिक कि तोराल्‍किन कुरुसनाइ टागिकइ मार्‌लाइ, र परमेसोरिन मर्‌लबान जिउँते पार्‌ल, होइ नासरतकर येसु खिरिस्‍टकर नाउँनाइ ह्‍य मानुस तोराल्‍को अगाडि बिसेक हकिके ठडाइलाछ।

पेरित 4:22

इनिखे अचम्‍मकर कामबान बिसेक हक्‍ल मानुसकर उमेर चालिस बर्‌स भन्‍दा बढ्‌ता रल्‍ति।

पेरित 4:30

तोर पबित्‍र सेबक येसुकर नाउँनाइ बिरामिल्‍काइ बिसेक पारइकर लागि, अचम्‍मकर चिन्‍न देखाइलाइ र अचम्‍मकर काम गरइकर लागि आफ्‍ने सक्‍तिसालि हात बाढाउ।”

पेरित 9:34

पत्‍रुसिन होलाइ बलल्‍ते, “ए एनियास, येसु खिरिस्‍टिन तुइलाइ बिसेक पार्‌स्‍यास। उठिके आफ्‍ने ओछ्‌यान मिलाउ।” एनियास तुरुन्‍तइ उठिहाल्‍ले।