मर्‌कुस 14:6 - माझी

⁶ तर येसुन होल्‍काइ बल्‌-ल्‍याक,“हकिहाल्‍लो, किनारे तोरा ह्‍यलाइ हाकार्‌छो? हेइनिन मोर लागि माहाल काम गर्‌लाछि।

मर्‌कुस 14:6 ပူးပေါင်းရင်းမြစ်များ

मर्‌कुस 14:5

बुरु ह्‍यलाइ बेचिके ह्‍वबान आइल पइसा गरिबकाइ बाड्‌दिलासिन मजार हक्‍नाल्‍ति। ह्‍य बेच्‍ल हक्‍लासिन तिन सय भन्‍दा बढ्‌ता चाँदिकर सिक्‍का आइनाल्‍ति।” अनि होल्‍किन ह्‍व बेटिलाइ हाकार्‌ला।

मर्‌कुस 14:7

किनारइभने गरिबलत ता सदइ तोराल्‍कोसिन हक्‍छत, र तोराल्‍काइ मन लाग्‍ल बेला होल्‍को भलाइ गरइ सक्‍छो। तर मुइ ता सदइ तोराल्‍कोसिन बइहकु।

पेरित 9:36

योप्‍पा सहरनाइ तबिता नाउँ हक्‍लि पर्‌भुलाइ बिस्‍वास गर्‌नारि बेटि रइलि। गिरिक भासानाइ होलाइ डोरकास बल्‍तेला। हेइनिन जइले पुनि आनेल्‍काइ भलाइ गर्‌तेलि र गरिबकाइ सायता गर्‌तेलि।

२ थेसलोनिकि 2:17

परमेसोरिन तोराल्‍को हिर्‌दयलाइ सान्‍तोना दिके सेब्‍बे असल काम र बचननाइ तोराल्‍काइ इस्‍थिर गराइदिक।

१ तिमोथि 5:10

अनि होइनिन मजार काम गर्‌लि, आफ्‍ने बेटाक-बेटेककाइ मजसिन हुर्‌काइलि, पाउनाल्‍काइ आफ्‍ने घरनाइ सेवा-सत्‍कार गर्‌लि, पर्‌भुकराइ जनको गोड धोइदिलि, दुखनाइ पर्‌लाल्‍काइ सयोग गर्‌लि र जुनसुके मजार कामनाइ ध्‍यान दिलि हकइ पर्‌छइ।

१ तिमोथि 6:18

भलाइकर काम गरइ, मजार कामनाइ धनि हकइ, खाँचोनाइ पर्‌लाल्‍काइ खुल्‍ला मनिन र आफिसिन हक्‍ल कुरो आनेल्‍काइ देइ बाजिके होल्‍काइ बलइ।

२ तिमोथि 2:21

यदि कुनइ मानुसिन खराब कामलाइ छाडिके ह्‍वबान बद्‌दुर बस्‍छइ भने ह्‍व आदरकर कामनाइ चालाइनार भाडा जिन्‍खाए हक्‍नारआछ। र घरकर मालिककर लागि चोखो, असल र मन पर्‌नार भाडा हक्‍नारआछ।

२ तिमोथि 3:17

ताकि परमेसोरकर जन सेब्‍बे असल काम गरइ सक्‍नार हक्‍दिक बाजिके ने धर्‌मसास्‍तर दिल हो।

तितस 2:14

खिरिस्‍टनिन हाम्‍रो सेब्‍बे पापबान हाइलाइ छुट्‌कारा देइकर लागि आफ्‍ने परान दिले। होइनिन आफ्‍ने लागि हाइलाइ सुद्‌द पारिके आफ्‍ने मान्‍छे बानाइले र असल काम गरइ जोसिलो मन दिले।

तितस 2:7

तुइनिन सेब्‍बे कुरोनाइ असल कामकर नमुना हकिके आफिलाइ देखाउ र तोर सिछ्‌यानाइ इमान्‍दार, गम्‍भिर

तितस 3:14

हाम्‍राइ मान्‍छेल्‍किन एकदम खाँचोनाइ पर्‌लाल्‍काइ सयोग गरिके असल काम गरइ सिक्‍दिखन। अनि होलत काम लाग्‍नाराइ मान्‍छेलत हक्‍दिखन।

तितस 3:8

ह्‍य कुरो साँच्‍चि हो। परमेसोरनाइ बिस्‍वास गर्‌नाराइ सेब्‍बाल्‍किन होसियारिसाथ असल काम गरो बाजिके तुइनिन जोड दिल मुइ चाइछु। किनारइभने ह्‍य कुरो मान्‍छेल्‍को लागि मजार र फाइदा आछि।