मर्‌कुस 13:9 - माझी

⁹ “तोराचाइ होसियार हकिके बसो, किनारइभने मान्‍छेल्‍किन तोराल्‍काइ आठाइके अदालतनाइ सुम्‍पिनार आछत अनि सभाघरनाइ लाकाइके ठाटाइनार आछत। तोरा मोर कारनिन बडा-हाकिम र राजाल्‍को अगाडि ठडाइनार आछो, र मोर बारेनाइ तोराल्‍किन होल्‍काइ साछि दिनारआछो।

मर्‌कुस 13:9 ပူးပေါင်းရင်းမြစ်များ

मर्‌कुस 1:44

“हेर, तुइ बिसेक हक्‍ल कुरो कुनुल्‍काइ जुनबल्‍खन, तर पुजारिकर उछि जाइके देखाउ। अनि तुइ बिसेक हक्‍ल कुरो मान्‍छेल्‍काइ देखाइकर लागि मोसान दिल नियम अन्‍सार पर्‌मानकर लागि बलि चाराउ।”

मर्‌कुस 13:5

येसुन होल्‍काइ बल्‌-ल्‍याक,“होसियार हको, तोराल्‍काइ कुन्‍नुल्‍किन पुनि जुनछक्‍याइदिखन!

मर्‌कुस 13:8

किनारइभने जातिकर बिरुद्‌दनाइ जाति र राज्‍यकर बिरुद्‌दनाइ राज्‍य लडाइ हक्‍नारआछि। ठउँ-ठउँनाइ भुइचालो जाइनारआछि र अनिकाल पर्‌नारआछि। ह्‍य चाइ नानि पाइनाराइ बेटिकाइ बेथा लागइ सुरु हक्‍ल ठि दुखकर सुरु हो।

मर्‌कुस 6:11

यदि कुनइ ठउँनाइ पुग्‍तिन मान्‍छेल्‍किन तोराल्‍काइ स्‍वागत बइगर्‌ला र तोराल्‍को कुरो सुनइ बइमान्‍ला भने, ह्‍व मान्‍छेल्‍काइ परमेसोरिन गर्‌नार न्‍यायकर दिननाइ साछि देइलाइ पइतलाकर धुलो टकटकाइकइ ह्‍व गाउँलाइ छाड्‌देइ।”

लुका 9:5

तर तोराल्‍काइ कुनइ सहरनाइ मान्‍छेल्‍किन स्‍वागत बइगर्‌ला भने ह्‍व मान्‍छेल्‍काइ परमेसोरिन गर्‌नार न्‍यायकर दिननाइ होल्‍को बिरुद्‌दनाइ साछि देइलाइ पइतलाकर धुलो टकटकाइकइ ह्‍व गाउँलाइ छाडो।”

पेरित 21:11

ह्‍व अगमबक्‍तान पावलकर पट्‌का लिके आफ्‍ने हात र गोडनाइ बान्‍तिन बाज्‍ले, “पबित्‍र आत्‍मान इत्‍तिके बाज्‍छइ, ‘ह्‍य पट्‌का जुन मानुसकर हो, होलाइ यरुसलेमनाइ यहुदिल्‍किन इत्‍तिके बान्‍नार आछत र आने जातिल्‍को हातनाइ सुम्‍पिदिनार आछत।’”

पेरित 7:54

जब होल्‍किन इस्‍तिफनसकर कुरो सुन्‍ला तब होलत रिसिन चुर हक्‍ला र दारा किटइ लाग्‍ला।

पेरित 9:16

र होइनिन मोर लागि कत्‍ता दुख भोगइपर्‌छि, ह्‍व मुइ होलाइ देखाइनारआछु।”

२ थेसलोनिकि 1:5

परमेसोरिन सेब्‍बाइ मान्‍छेल्‍को न्‍याय सइ तरिकान गर्‌छइ बाज्‍नार कुरोकर पर्‌मान हेइ हो, ता कि तोरा परमेसोरकर राज्‍यनाइ योग्‍य ठहरइ सको। हेक्‍र लागि तोराल्‍किन दुख भोगिधर्‌लाछो।