मर्‌कुस 11:18 - माझी

¹⁸ ह्‍य कुरो मुख्‍य पुजारि र धर्‌म-गुरुल्‍किन सुन्‍ला। अनि होल्‍किन येसुलाइ मार्‌नार उपाय हेरइ लाग्‍ला, तर होलत येसुसिन डाराइतेला। किनारइभने येसुकर सिछ्‌या सुनिके मान्‍छेल्‍को भिड छक्‍क पर्‌तेला।

मर्‌कुस 11:18 ပူးပေါင်းရင်းမြစ်များ

मर्‌कुस 1:22

येसुकर सिछ्‌या सुनिके सेब्‍बाइ मान्‍छेलत छक्‍क पर्‌ला, किनारइभने येसुन आने धर्‌म-गुरुल्‍किन सिकाइल जिन्‍खाए बया, तर अधिकार सहित सिकाइले।

मर्‌कुस 11:32

मानुसबान बाजु भने किनिखे बाज्‍नार?” इन्‍खा बाजइ होलत डाराइला, किनारइभने सेब्‍बाइ मान्‍छेल्‍किन युहन्‍नालाइ अगमबक्‍ता हो बाजिके मान्‍तेला।

मर्‌कुस 12:12

येसुन ह्‍य कुरो हाम्‍रे बिरुद्‌दनाइ बाज्‍ल हो बाजिके यहुदि अगुवाल्‍किन बुज्‍ला र येसुलाइ पक्‍रइ आट्‍ला तर होलत मान्‍छेल्‍को भिडसिन डाराइल कारनिन येसुलाइ पक्‍रइ बइसक्‍ला र छाडिके जाइला।

मर्‌कुस 3:6

अनि फरिसिलत सभाघरबान निस्‍किके हेरोदकराइ मान्‍छेल्‍काइ भेट्‌टाइ जाइला र येसुलाइ किनिखे मार्‌नार बाजिके सल्‍ला गर्‌ला।

मर्‌कुस 6:20

किनारइभने युहन्‍ना धर्‌माति र पबित्‍र मानुस हो बाजिके हेरोदलाइ था रल्‍ति, अनि हेरोद डाराइतेल होइहुदान युहन्‍नालाइ सुरछित धर्‌ल रइल। युहन्‍नाकर सिछ्‌या सुन्‍तिन हेरोदकर मननाइ छट्‌पटि हक्‍तेल्‍ति, ता पुनि खुसि हकिके सुन्‍तेल।

लुका 19:47

ह्‍व पछि येसुन दिन्‍ने मन्‍दिरनाइ सिछ्‌या सिकाइतेल। तर मुख्‍य पुजारिलत, धर्‌म-गुरुलत र आने अगुवालत मिलिके येसुलाइ मारइ हेर्‌तेला।

लुका 2:47

येसुकर ग्‍यान, बुद्‌दि र उत्‍तर सुनिके सेब्‍बाइ छक्‍क पर्‌तेला।

लुका 20:19

धर्‌म-गुरुल्‍किन र मुख्‍य पुजारिल्‍किन ह्‍य कुरो हाम्‍रे बिरुद्‌दनाइ बाज्‍ल हो बाजिके बुज्‍ला र येसुलाइ पक्‍रइ आट्‍ला तर होलत मान्‍छेल्‍कोसिन डाराइतेला।

लुका 4:22

सेब्‍बाइ मान्‍छेल्‍किन येसुकर पर्‌सन्‍सा गर्‌ला। होल्‍किन येसुकर कुरो सुनइ एकदम मन पराइला, अनि होलत छक्‍क पर्‌ला। होल्‍किन बाज्‍ला, “केति ह्‍य योसेफकर बेटाक बया र?”

पेरित 24:25

तर पावलिन परमेसोरकर धार्‌मिक आग्‍या मानिके काम गरइपर्‌छइ, आफ्‍ने मनलाइ बसनाइ धरइपर्‌छइ र परमेसोरिन न्‍याय गर्‌नार दिन आइतिन आछि बल्‍ल कुरो सुनिके फेलिक्‍सिन आत्‍तितिन बाज्‍ले, “अखनलाइ जा, मउका मिल्‍ल बेलानाइ तुइलाइ फेरि बालाइछु।”