मर्‌कुस 1:7 - माझी

⁷ होइनिन मान्‍छेल्‍काइ इत्‍तिके पर्‌चार गर्‌ले, “मुइभन्‍दा पछाडि एउटो आइतिन आछ, ह्‍व मुइ भन्‍दा सक्‍तिसालि आछ। मुइ ता निउरिकइ होक्‍र जुत्‍ताकर तुना फुकाइनार लाएककर पुनि बइने।

मर्‌कुस 1:7 ပူးပေါင်းရင်းမြစ်များ

मर्‌कुस 1:6

युहन्‍नान उँटकर रउँबान बुन्‍ल लुगा लाइतेल, र कम्‍मरनाइ छालाकर पट्‌का बाँन्‍तेल अनि सलह र बन मह खाइतेल।

मर्‌कुस 1:8

मुइ तोराल्‍काइ पानिन बप्‍तिस्‍मा दिलाछु, तर होइनिन तोराल्‍काइ पबित्‍र आत्‍मान बप्‍तिस्‍मा दिनारआछ।”

लुका 3:16

युहन्‍नान होलत सेब्‍बाल्‍काइ बल्‌-ल्‍याक, “मुइ ता तोराल्‍काइ पानिकर बप्‍तिस्‍मा दिस्‍या। तर एउटो मुइभन्‍दा सक्‍तिसालि आइतिन आछ। मुइ ता होक्‍र जुत्‍ताकर तुना फुकाइनार लायककर पुनि बइने। होइनिन तोराल्‍काइ पबित्‍र आत्‍मा र आगिन बप्‍तिस्‍मा दिनारआछ। हेरो, होइनिन अन्‍न निफन्‍नार सुपा हातनाइ लिइसक्‍लाछ।

पेरित 13:25

युहन्‍नान आफ्‍ने सेवाकर काम सक्‍नार बेलानाइ बाज्‍ल रइल, ‘तोराल्‍किन मुइलाइ कुन हो बाज्‍छो, मुइ तोराल्‍किन अस्‍याइल मुक्‍ति दिनार बया। ह्‍व मुइ भन्‍दा पछि आइतिन आछ, मुइ होक्‍र जुत्‍ताकर तुना फुकाइनार लायककर पुनि बइने।’

पेरित 19:4

अनि पावलिन बल्‌-ल्‍याक, “युहन्‍नान दिल बप्‍तिस्‍माचाइ आफ्‍ने पाप मानिलिके छाड्‌नार बप्‍तिस्‍मा हो। होइनिन ता ‘मुइ भन्‍दा पछाडि आइनारलाइ बिस्‍वास गरो’ बाजिके मान्‍छेल्‍काइ बल्‍तेल्‍याक, ह्‍व पछि आइल चाइ येसु हो।”