मर्‌कुस 1:25 - माझी

²⁵ तर येसुन भुत आत्‍मालाइ हाकार्‌तिन बलल्‍ते,“चुप लाग, र ह्‍व मानुसबान निस्‍कि जा।”

मर्‌कुस 1:25 ပူးပေါင်းရင်းမြစ်များ

मर्‌कुस 1:24

होइनिन साराइतिन बाज्‍ले, “हे नासरतकर येसु, तुइनिन हाइलाइ केति गरइ लाग्‍ल? केति तुइ हाइलाइ नस्‍ट गरइ आइल हो? मुइ तुइलाइ चिन्‍छु, तुइ परमेसोरिन पाठाइल पबित्‍र जन हो।”

मर्‌कुस 1:26

अनि भुत आत्‍मान ह्‍व मानुसलाइ लछारपछार पारिके बड्‌खो सोरिन चिच्‍याइतिन ह्‍व मानुसबान निस्‍किके जाइले।

मर्‌कुस 1:34

येसुन धेरे किसिमकर रोगिन सताइलाइ सेब्‍बाइ बिरामिकाइ बिसेक पार्‌ल्‍याक अनि धेराइ मान्‍छेल्‍कोबान भुतकाइ निकाल्‍दिल्याक। तर भुतकिन येसुलाइ चिन्‍ल हुदान येसुन होल्‍काइ बाजइ बइदिल्याक।

मर्‌कुस 9:25

येसुन मान्‍छेल्‍को भिड कुत्‍तिन आइधर्‌ल देखिके भुत आत्‍मालाइ हाकार्‌तिन बलल्‍ते,“ए गुँगो र बइरा पार्‌नार आत्‍मा, मुइ तुइलाइ आग्‍या गर्‌छु, ह्‍व छोडारिबान निस्‍किके आबे र फेरि कइले ह्‍व भित्‍र जुनपोस।”

लुका 4:35

ह्‍य सुनिके येसुन ह्‍व भुतलाइ हाकार्‌तिन बलल्‍ते, “चुप लाग र ह्‍य मानुसबान निस्‍किके जाइहाल!” ह्‍व मानुसलाइ सेब्‍बाल्‍को सामुन्‍ने पछारिकइ भुत निस्‍किले, तर होलाइ किछु पुनि चोट पटक बइलागल्‍ते।

लुका 4:41

अनि धेराइ मान्‍छेल्‍कोबान भुतलत चिच्‍याइकइ इत्‍तिके बाज्‍तिन निस्‍किला, “तुइ परमेसोरकर बेटाक हो!” तर येसुन भुतकाइ हाकार्‌ल्‍याक र केइ बाजइ बइदिल्‍याक किनारइभने येसु मुक्‍ति दिनार राजा खिरिस्‍ट हो बाजिके होल्‍किन चिन्‍तेला।

पेरित 16:17

होइनिन पावल र हाम्‍रो पछि-पछि लागिकइ इत्‍तिके साराइ लाग्‍लि, “ह्‍य मान्‍छेलत सेब्‍बाइ भन्‍दा महान परमेसोरकराइ सेबकलत हो। हेल्‍किन तोराल्‍काइ मुक्‍ति पाइनार बाटकर पर्‌चार गर्‌छत।”