लुका 9:2 - माझी

² येसुन होल्‍काइ परमेसोरकर राज्‍यकर बारेनाइ सुनाइ र बिरामिल्‍काइ बिसेक पारइ पाठाइल्‍याक।

लुका 9:2 ပူးပေါင်းရင်းမြစ်များ

मर्‌कुस 16:15

येसुन होल्‍काइ बल्‌-ल्‍याक,“सारा सन्‍सारनाइ जाइके सेब्‍बाइ मान्‍छेल्‍काइ सुसमचार पर्‌चार गरो।

मर्‌कुस 6:12

ह्‍व पछि चेलालत जाइला अनि मान्‍छेल्‍काइ, “आ-आफ्‍ने पाप मानिलिके छाडो” बाजिके पर्‌चार गर्‌ला।

लुका 10:1

ह्‍व पछि पर्‌भुन आने सत्‍तरि जनकाइ छानिकइ आफि जाइ लाग्‍ल सेब्‍बे गाउँ र सहरनाइ दुइ-दुइटाइ गरिके होल्‍काइ आफि जाइ भन्‍दा अगाडि पाठाइतिन बल्‌-ल्‍याक,

लुका 10:11

‘हाम्‍रो पइतलानाइ टासिल तोराल्‍को सहरकर धुलोसमेत हाइ तोराल्‍को बिरुद्‌दनाइ टकटकाइछे। तर पुनि तोरा जानो, कि परमेसोरकर राज्‍य नजिकइ आइपुग्‍लाछि।’

लुका 10:9

उछि हक्‍लाइ बिरामिल्‍काइ बिसेक पारो, अनि होल्‍काइ ‘परमेसोरकर राज्‍य तोराल्‍के नजिक आइपुग्‍लाछि’ बाजिके सुनाओ।

लुका 16:16

“बप्‍तिस्‍मा दिनार युहन्‍नाकर बेलासम्‍म मोसान लेख्‍ल परमेसोरकर नियम र अगमबक्‍ताल्को सिछ्‌या चलि धर्‌ल रल्‍ति। ह्‍व बेलासिन अखनसम्‍म परमेसोरकर राज्‍यकर सुसमचार पर्‌चार हकिधर्‌लाछि र सेब्‍बाइ मान्‍छेलत ह्‍व राज्‍यनाइ पसइलाइ जोड गर्‌छत।

लुका 9:11

तर ह्‍य कुरो था पाइके मान्‍छेल्‍को भिड येसुकर पछि लाग्‍ला। येसुन होल्‍काइ स्‍वागत गर्‌ल्‍याक र परमेसोरकर राज्‍यकर बारेनाइ सुनाइल्‍याक, अनि बिरामिल्‍काइ बिसेक पार्‌ले।