54 तर येसुन छुनेनिकर हात आठाइके बाज्ले, “नानि, उठ।”
येसु बिरामिकर नजिक जाइके हातनाइ आठाइके उठाल्ते र होलाइ जोरोन छाडिहालल्ते। अनि होइनिन होल्को सेवा-सत्कार गरइ लाग्लि।
येसुन ह्व अन्धालाइ डोराइतिन गाउँबान बाइर आनल्ते। अनि होक्र आँखिनाइ थुक लाइदिल्ते र आफ्ने हात ह्व उप्रान धरिके होलाइ सोदल्ते,“केति तुइ केइ देख्छस?”
तर येसुन होक्र हातनाइ आठाइके उठाल्ते, र ह्व जुरुक्क उठ्ले।
याइरसकर घरनाइ पुगिके येसुन पत्रुस, याकुब, युहन्ना र छुनेनिकरि आमेक-ब्वाकलाइ बाएक आने कुनुल्काइ पुनि भित्र पसइ बइदिल्याक।
ह्य सुनिके होल्किन येसुन बल्ल कुरोलाइ हाँसिके खिल्लि उडाइला, किनारइभने होल्काइ छुनेनि मर्लि हो बाजिके पक्का था रइल्याक।
अनि छुनेनिकर सास फेरि फर्किके आल्ते, र ह्व तुरुन्तइ उठ्लि अनि येसुन होलाइ केइ खाइनार कुरो दिक बल्-ल्याक।
पत्रुसिन होल्काइ कोठाबान बाइर पाठाइल्याक र घोडा टेकिके पार्थना गर्ले। अनि पत्रुसिन लासदिस फर्किके बाज्ले, “ए तबिता, उठ!” होइनिन आँखि खोल्तिन पत्रुसलाइ देख्लि र उठिके बस्लि।
