लुका 8:44 - माझी

⁴⁴ होइनिन येसुकर पछाडिबान आइके येसुन लाइल लुगाकर फुर्‌का छुइलि, र छुइलसात होक्‍र रकत बुहुइनार रोग बन्‍द हकिहालल्‍ते।

लुका 8:44 ပူးပေါင်းရင်းမြစ်များ

मर्‌कुस 6:56

गाउँ, सहर, बस्‍तिनाइ जछि-जछि येसु जाइतेल उछि-उछि ने मान्‍छेल्‍किन बिरामिल्‍काइ लाकाइतेला। अनि बिरामिल्‍किन येसुकर लुगाकर फुर्‌का मात्‍र हक्‍तिन पुनि छुइ पाउ बाजिके बिन्‍ति गर्‌ला र जत्‍ताल्‍किन छुइला होलत सेब्‍बाइ बिसेक हकिहाल्‍तेला।

लुका 13:13

येसुन ह्‍व उप्‍रान आफ्‍ने हात धर्‌ले र ह्‍व तुरुन्‍तइ सिदा हकिके परमेसोरकर पर्‌सन्‍सा गरइ लाग्‍लि।

लुका 7:38

ह्‍व पछाडिबान आइके येसुकर गोडछेउनाइ ठडाइके कान्‍तिन येसुकर गोड आँसुन भिजाइदिल्‍ते र आफ्‍ने कापालकर बारिन पुछ्तिन गोडनाइ मइँ खाइके अत्‍तर लाइ लाग्‍लि।

लुका 8:43

होइ भिडनाइ बार बर्‌ससिन रकत बुहुइनार रोगिन दुख पाइलि एउटि बेटि पुनि रइलि, होइनिन आफ्‍ने सेब्‍बे सम्‍पति उपचारनाइ खर्‌च गर्‌लि तर पुनि कुन्‍नुल्‍किन होलाइ बिसेक पारइ बइसक्‍ला।

लुका 8:45

येसुन बाज्‍ले, “मुइलाइ कुनिन छुइले?” तर सेब्‍बाल्‍किन “मुइनिन छुइल बया” बाज्‍ला, अनि पत्‍रुसिन बाज्‍ले, “गुरु, यत्‍रा मान्‍छेल्‍को भिडनाइ तुइलाइ कोइ न कोइकिन छुइहाल्‍छत नि।”

पेरित 19:12

इन्‍खासम्‍म कि पावलिन परयोग गर्‌ल रुमाल या मुज्‍यात्‍रो लाकाइके बिरामिल्‍काइ छ्‌वाइतिन पुनि होलत रोगबान बिसेक हक्‍तेला र भुत आत्‍मालत निस्‍किके जाइतेला।

पेरित 5:15

इछिसम्‍म कि पत्‍रुस बाटनाइ हिन्‍तिन होक्‍र छाँया मात्‍र हक्‍तिन पुनि कोइ-कोइ बिरामिल्‍कोनाइ पर्‌दिक बाजिके मान्‍छेल्‍किन होल्‍काइ ओछ्‌यान र खाटनाइ सुताइकइ धर्‌तेला।