लुका 7:16 - माझी

¹⁶ इन्‍खा सक्‍ति देखिके सेब्‍बाइ मान्‍छेलत छक्‍क पर्‌तिन डाराइला अनि परमेसोरकर पर्‌सन्‍सा गर्‌तिन बाज्‍ला, “एउटो बड्‌खो अगमबक्‍ता हाम्‍रो माजनाइ देखा पर्‌लाछ” र “परमेसोर आफ्‍ने जनकाइ बाचाइ आइलाछ।”

लुका 7:16 ပူးပေါင်းရင်းမြစ်များ

लुका 1:65

ह्‍य सेब्‍बे देखिके छिमेकिलत छक्‍क पर्‌तिन परमेसोरकर डर मान्‍ला। ह्‍व पछि ह्‍य कुरोकर चर्‌चा यहुदिया छेत्‍रकर पाहाडनाइ हक्‍ल सेब्‍बे गाउँनाइ फइलल्‍ते।

लुका 1:68

“इज्‍राएलिल्‍को परमपर्‌भु, परमेसोरकर पर्‌सन्‍सा हक्‍दिक, किनारइभने ह्‍व आइलाछ र आफ्‍ने मान्‍छेल्‍काइ सायता गरिके बाचाइलाछ।

लुका 19:44

सतुरकिन तुइलाइ र ह्‍व भित्‍र बस्‍नाराइ तोर सन्‍तानकाइ नास पार्‌नाराइ आछत र एउटो पाथर उप्‍रान अर्‌को पाथर छाड्‌नाराइ बइनेत किनारइभने परमेसोरिन बाचाइ आइल समयलाइ तुइनिन चिनइ बइसक्‍लइ।”

लुका 2:20

भेडि गोठ्‌लाल्‍किन स्‍वर्‌गदुतिन बल्‍लजिन्खाए सुन्‍ल र देख्‍ल हुदान, परमेसोरकर महिमा र पर्‌सन्‍सा गर्‌तिन फर्‌किला।

लुका 24:19

येसुन होल्‍काइ बल्‌-ल्‍याक, “कुन्‍टो घटना?” होल्किन बाज्‍ला, “नासरतकर येसुकर बारेनाइ, ह्‍व परमेसोर र मान्‍छेल्‍को माजनाइ सक्‍तिसालि काम गर्‌नार अनि मजार सिछ्‌या सिकाइनार अगमबक्‍ता रइल।

लुका 5:26

होलत सेब्‍बाइ अचम्‍म मान्‍ला र परमेसोरकर इन्‍खा सक्‍ति देखिके डाराइला। होल्‍किन परमेसोरकर पर्‌सन्‍सा गर्‌तिन बाज्‍ला, “आज हाइनिन कइले बइदेख्‍ल अचम्‍मकर कुरो देख्‍ले।”

लुका 5:8

ह्‍य देखिके सिमोन पत्‍रुसिन येसुकर अगाडि घोप्‍टो परिके बाज्‍ले, “हे पर्‌भु, मुइ पापि आछु, मुइबान बद्‌दुर बस!”

लुका 7:15

उत्‍तिने खेर मर्‌ल छोडारि उठिके बस्‍ले र बाजइ थाल्‍ले। येसुन ह्‍व छोडारिलाइ होक्‍रि आमेकलाइ जिम्‍मा लाइदिल्‍ते।

लुका 7:39

ह्‍य देखिके येसुलाइ बालाइनार फरिसिन मनमने बाज्‍ले, “यदि ह्‍य मानुस साँच्‍चि ने अगमबक्‍ता हो भने ता होलाइ छुइनारि बेटि किन्‍खा हो बाजिके हेइनिन जान्‍नाल, किनारइभने ह्‍य ता पापि बेटि हो।”

लुका 8:37

ह्‍व पछि गेरासेनसकर आसपासकराइ सेब्‍बाइ मान्‍छेल्‍किन येसुलाइ इछ्‌यान जाइहाल बाजिके बिन्‍ति गर्‌ला, किनारइभने होलत एकदम डाराइलाइ रइला। होइ हुदान येसु फर्‌कइलाइ लाउनाइ चड्‌ले।

लुका 9:19

होल्‍किन बाज्‍ला, “कुन्‍नुल्‍किन बप्‍तिस्‍मा दिनार युहन्‍ना हो बाज्‍छत, कुन्‍नुल्‍किन एलिया अगमबक्‍ता हो बाज्‍छत, अनि कुन्‍नुल्‍किन चाइ उइलेकर कोइ अगमबक्‍ता मर्‌लबान जिउँतिल हक्‍ति बाज्‍छत।”

पेरित 5:5

ह्‍य कुरो सुन्‍लेसात हननिया भुइनाइ लड्‌ले र मर्‌ले। ह्‍य सुन्‍नाराइ सेब्‍बाइ एकदम डाराइला।

पेरित 7:37

होइ मोसान इज्‍राएलिल्‍काइ बल्‍ल रइल, ‘परमेसोरिन तोराल्‍को दाजेक-भाएकबान मुइ जिन्‍खाए एउटो अगमबक्‍ता तोराल्‍को लागि पाठाइनारआछ।’