12 एक दिन येसु डाँरानाइ जाइके रातभोरि परमेसोरसिन पार्थना गर्ले।
अर्को दिन उज्यालो हकइ भन्दा अगाडि येसु उठिके एकान्त ठउँनाइ जाइके पार्थना गरइ लाग्ले।
येसु एउटो डाँरानाइ चड्ले, र आफिन चाइलाइ जत्ताल्काइ बालाइल्याक, र होलत येसु हक्लनाइ आइला।
होल्काइ बिदा दिसक्ल पछि येसु पार्थना गरइ डाँरानाइ जाइले।
तर येसुचाइ एकान्त ठउँनाइ पार्थना गरइ जाइतेल।
ह्य देखिके फरिसिलत र धर्म-गुरुलत रिसिन चुर हक्ला र येसुलाइ अब केति गर्नार हो बाजिके सल्ला गरइ लाग्ला।
येसु चेलाल्कोसिन डाँराबान झरिके होलत एउटो सम्म ठउँनाइ आइपुग्ला। उछि यहुदिया छेत्रकर सेब्बेपट्यान, यरुसलेम सहरबान अनि समुन्द्रकर छेउनाइ पर्नार टुरोस र सिदोन सहरबान धेराइ मान्छेलत घुइँचो लागिकइ आइला।
एक दिन येसु अस्करे पार्थना गरिधर्ल रइल, चेलालत पुनि येसुकर छेउनाइ रइला। येसुन होल्काइ सोद्ल्याक, “मान्छेल्किन मुइलाइ कुन हो बाज्छत?”
ह्य कुरो बाज्ल लगभग आठ दिनपछि पत्रुस, युहन्ना र याकुबलाइ लिके येसु डाँरानाइ पार्थना गरइ जाइले।
येसुन पार्थना गरिधर्ल बेलानाइ येसुकर अनुहार फेरल्ते र येसुन लाइल लुगा हिउँ जिन्खाए गोरो हकिके चम्कल्ते।
