लुका 6:11 - माझी

¹¹ ह्‍य देखिके फरिसिलत र धर्‌म-गुरुलत रिसिन चुर हक्‍ला र येसुलाइ अब केति गर्‌नार हो बाजिके सल्‍ला गरइ लाग्‍ला।

लुका 6:11 ပူးပေါင်းရင်းမြစ်များ

लुका 4:28

ह्‍य कुरो सुनिके सभाघरकराइ सेब्‍बाइ मान्‍छेलत रिसिन चुर हक्‍ला।

लुका 6:10

अनि येसुन चारेदिस सेब्‍बाल्‍काइ हेर्‌तिन ह्‍व मानुसलाइ बलल्‍ते, “तोर हात तन्‍काउ।” होइनिन हात तन्‍काइले र होक्‍र हात सद्‌दे हकिहालल्‍ते।

लुका 6:12

एक दिन येसु डाँरानाइ जाइके रातभोरि परमेसोरसिन पार्‌थना गर्‌ले।

पेरित 26:11

मुइ सेब्‍बे सभाघरनाइ जाइके होल्‍काइ धेरे चोटि सजाय दिनाइ र येसुलाइ बिस्‍वास जुनगरो बाजिके थर्‌काइतेनाइ। होल्‍कोसिन एकदम रिसाइके मुइ अर्‌को देसकर सहरनाइ पुनि जाइके उछिकराइ बिस्‍वासिल्‍काइ सताइ लाग्‍नाइ।

पेरित 4:15

होइहुदान होल्‍किन पत्‍रुस र युहन्‍नालाइ महासभाबान बाइर जाइनार आदेस दिल्‍याक अनि होलत चाइ आपसनाइ मिलिके इन्‍खा छलफल गर्‌ला,

पेरित 4:19

तर पत्‍रुस र युहन्‍नान होल्‍काइ जबाफ दिल्‍याक, “तोराल्‍किन बल्‍ल मानइ कि परमेसोरिन बल्‍ल मानइ, परमेसोरकर हेराइनाइ कुन्‍टो चाइ ठिक हो? तोरा आफि बिचार गरो।

पेरित 5:33

ह्‍य कुरो सुनिके महासभाकराइ सेब्‍बाइ रिसिन चुर हक्‍ला, र पेरितकाइ मारइ चाइला।

पेरित 7:54

जब होल्‍किन इस्‍तिफनसकर कुरो सुन्‍ला तब होलत रिसिन चुर हक्‍ला र दारा किटइ लाग्‍ला।

२ तिमोथि 3:9

तर हेलत धेरे टिकइ बइसकत, किनारइभने यान्‍नेस र याम्‍ब्‍रेसकर जिन्‍खाए हेल्‍किन गर्‌ल खराब काम सेब्‍बाल्‍किन देख्‍नारआछत।