लुका 5:24 - माझी

²⁴ तर ह्‍य धर्‌तिनाइ मानुसकर बेटाकलाइ मान्‍छेल्‍को पाप छेमा गर्‌नार अधिकार आछि बाजिके तोरा जानो।” अनि येसुन ह्‍व पछ्‍यघाति बिरामिलाइ बलल्‍ते, “मुइ तुइलाइ बल्‍छु, अब उठ र आफ्‍ने ओछ्‌यान बोकिके घर जा।”

लुका 5:24 ပူးပေါင်းရင်းမြစ်များ

लुका 5:13

येसुन ह्‍वउप्‍रान हात धरिके बाज्‍ले, “मुइ चाइछु, तुइ बिसेक हक।” र उत्‍तिने खेर होक्‍र कुस्‍ठ रोग बिसेक हकिहालल्‍ते।

लुका 5:18

केइ मान्‍छेल्‍किन एउटो पछ्‍यघाति बिरामिलाइ ओछ्‌यानेसुदा बोकिके आन्‍ला। होल्‍किन होलाइ घरभित्‍र येसुकर अगाडि पुराइ आँट गर्‌ला।

लुका 5:23

ह्‍व पछ्‍यघातिलाइ ‘तोर पाप छेमा हकल्‍ते’ बलइ कि ‘उठिके हिन’ बलइ कुन्‍टो चाइ सजिलो आछि?

लुका 7:14

अनि अगाडि जाइके येसुन घारालाइ छुइले र लास बोक्‍नाराइ टक्‍क अडिला। येसुन बाज्‍ले, “ए छोडारि, मुइ तुइलाइ बल्‍छु, उठ।”

लुका 8:54

तर येसुन छुनेनिकर हात आठाइके बाज्‍ले, “नानि, उठ।”

पेरित 14:10

अनि पावलिन होलाइ बड्‌खो सोरिन बलल्‍ते, “तोर गोडकर भरिन सिदा ठडाउ।” अनि ह्‍व जुरुक्‍क उठ्‌ले र हिनइ लाग्‍ले।

पेरित 5:31

इज्‍राएलिल्‍किन आफ्‍ने पापलाइ मानिलिके छाड्‌दिखन र छेमा पाइदिखन बाजिके परमेसोरिन येसुलाइ राजा र मुक्‍तिदाता बानाइके उच्‍च पारिके आफ्‍ने दाइनेपटि धरल्‍ते।

पेरित 9:34

पत्‍रुसिन होलाइ बलल्‍ते, “ए एनियास, येसु खिरिस्‍टिन तुइलाइ बिसेक पार्‌स्‍यास। उठिके आफ्‍ने ओछ्‌यान मिलाउ।” एनियास तुरुन्‍तइ उठिहाल्‍ले।

पेरित 9:40

पत्‍रुसिन होल्‍काइ कोठाबान बाइर पाठाइल्‍याक र घोडा टेकिके पार्‌थना गर्‌ले। अनि पत्‍रुसिन लासदिस फर्‌किके बाज्‍ले, “ए तबिता, उठ!” होइनिन आँखि खोल्‍तिन पत्‍रुसलाइ देख्‍लि र उठिके बस्‍लि।