लुका 4:34 - माझी

³⁴ “हे नासरतकर येसु, तुइनिन हाइलाइ केति गरइ लाग्‍ल? केति तुइ हाइलाइ नास पारइ आइल हो? तुइ परमेसोरिन पाठाइल पबित्‍र जन हो बाजिके मुइ चिन्‍छु।”

लुका 4:34 ပူးပေါင်းရင်းမြစ်များ

मर्‌कुस 1:24

होइनिन साराइतिन बाज्‍ले, “हे नासरतकर येसु, तुइनिन हाइलाइ केति गरइ लाग्‍ल? केति तुइ हाइलाइ नस्‍ट गरइ आइल हो? मुइ तुइलाइ चिन्‍छु, तुइ परमेसोरिन पाठाइल पबित्‍र जन हो।”

मर्‌कुस 1:34

येसुन धेरे किसिमकर रोगिन सताइलाइ सेब्‍बाइ बिरामिकाइ बिसेक पार्‌ल्‍याक अनि धेराइ मान्‍छेल्‍कोबान भुतकाइ निकाल्‍दिल्याक। तर भुतकिन येसुलाइ चिन्‍ल हुदान येसुन होल्‍काइ बाजइ बइदिल्याक।

मर्‌कुस 5:7

अनि होइनिन बड्‌खो सोरिन साराइतिन बाज्‍ले, “हे येसु, महान परमेसोरकर बेटाक, तुइनिन मुइलाइ केति गरइ आँट्‌ल? मुइ परमेसोरनाइ कसम खाइके बिन्‍ति गर्‌छु, मुइलाइ दुख जुनदेउ।”

लुका 1:35

स्‍वर्‌गदुतिन होलाइ बलल्‍ते, “पबित्‍र आत्‍मा तुइनाइ आइनारआछ र महान परमेसोरकर सक्‍ति तुइउप्‍रान पर्‌नारआछि। इनिखे जन्‍मिल नानि पबित्‍र हक्‍नारआछ र परमेसोरकर बेटाक हक्‍नारआछ।

लुका 4:33

सभाघरनाइ एउटो भुत लाग्‍ल मानुस रइल। होइनिन चिच्‍याइतिन बाज्‍ले,

लुका 4:41

अनि धेराइ मान्‍छेल्‍कोबान भुतलत चिच्‍याइकइ इत्‍तिके बाज्‍तिन निस्‍किला, “तुइ परमेसोरकर बेटाक हो!” तर येसुन भुतकाइ हाकार्‌ल्‍याक र केइ बाजइ बइदिल्‍याक किनारइभने येसु मुक्‍ति दिनार राजा खिरिस्‍ट हो बाजिके होल्‍किन चिन्‍तेला।

लुका 8:28

होइनिन येसुलाइ देख्लपछि येसुकर अगाडि घोप्‍टो परिके चिच्‍याइतिन बाज्‍ले, “हे येसु, महान परमेसोरकर बेटाक, तोर मुइसिन केति काम? बिन्‍ति गर्‌छु, मुइलाइ दुख जुनदेउ।”

लुका 8:37

ह्‍व पछि गेरासेनसकर आसपासकराइ सेब्‍बाइ मान्‍छेल्‍किन येसुलाइ इछ्‌यान जाइहाल बाजिके बिन्‍ति गर्‌ला, किनारइभने होलत एकदम डाराइलाइ रइला। होइ हुदान येसु फर्‌कइलाइ लाउनाइ चड्‌ले।

पेरित 16:39

हाकिमलत आइके होल्‍कोसिन माफ माङ्‌ला, अनि पावल र सिलासलाइ झ्‍यालखन्‍डबान बाइर लाकाइके “हाम्‍रो सहर छाडिके जाइदेउबे” बाजिके बिन्‍ति गर्‌ला।

पेरित 2:27

किनारइभने तुइनिन मोर परानलाइ नरकनाइ छाड्‌नार बइने, र आफ्‍ने पबित्‍र जनकर जिउँ सेराइ दिनार बइने।

पेरित 3:14

तर तोराल्‍किन ता पबित्‍र र धर्‌मि जनलाइ इन्‍कार गरिके एउटो ज्‍यानमारालाइ चाइ छाड्‌देउ बाजिके माग गर्‌लो।

पेरित 4:27

साँच्‍चि ने तुइनिन अभिसेक गर्‌ल, तोर पबित्‍र सेबक येसुकर बिरुद्‌दनाइ हेरोद, पन्‍तियस पिलातस, आने जातिलत र इज्‍राएलकराइ मान्‍छेलत हेइ सहरनाइ जम्‍मा हक्‍लाइ रइला।