लुका 2:9 - माझी

⁹ पर्‌भुकर एउटो स्‍वर्‌गदुत गोठ्‍लाल्‍को अगाडि देखा पर्‌ले र पर्‌भु परमेसोरकर उज्‍यालो होल्को वरिपोरि चम्‍कल्‍ते। ह्‍य देखिके गोठ्‌लालत डरिन थरथर कामइ थाल्‍ला।

लुका 2:9 ပူးပေါင်းရင်းမြစ်များ

लुका 1:28

स्‍वर्‌गदुत छुनेनिकर उछि आइके बाज्‍ले, “सेवाढोग, तुइलाइ परमेसोरिन दया देखाइलाछ। किनारइभने परमपर्‌भु तुइसिन आछ।”

लुका 2:8

बेथलेहेम गाउँकर नजिकइ चोउरिनाइ गोठ्‌लालत आफ्‍ने भेडिलत रुँगिकइ राति बसिधर्‌लाइ रइला।

लुका 24:4

होलत उछि अलमल परिके ठडाइधर्‌ल बेलानाइ एक्‍कासि चहकिलो लुगा लाइलाइ दुइटाइ मान्‍छेलत होल्को छेउनाइ ठडाइल देख्‍ला।

पेरित 12:7

एक्‍कासि परमपर्‌भुकर एउटो स्‍वर्‌गदुत देखा पर्‌ले, र कोठा उज्‍यालो हकल्‍ते। स्‍वर्‌गदुतिन पत्‍रुसलाइ कुमनाइ घचघचाइतिन “चाने उठ” बाजिके बिउँझाल्‍ते। अनि पत्‍रुसकर हातबान साङ्‍ला फुस्‍किकइ झरल्‍ते।

पेरित 27:23

किनारइभने मुइ परमेसोरकर हो, र मुइ होक्‍रे सेवा गर्‌छु। आज राति परमेसोरकर एउटो स्‍वर्‌गदुत मोर छेउनाइ ठडाइके बाज्‍ले,

पेरित 5:19

तर होइ रात परमपर्‌भुकर एउटो स्‍वर्‌गदुतिन झ्‍यालखन्‍डकर ढोकौ खोल्‍दिल्‍याक, र होल्‍काइ बाइर लाकाइके बल्‌-ल्‍याक,

१ तिमोथि 3:16

हाइलाइ था आछ, हाइनिन गर्‌ल बिस्‍वासकर रहस्‍य एकदम बड्‌खो आछि, ह्‍व मानुसकर सरिरनाइ देखा पर्‌ले, पबित्‍र आत्‍माबान धर्‌मि ठहरिले, अनि होलाइ स्‍वर्‌गदुतकिन देख्‍ला, जाति-जातिल्‍को माजनाइ पर्‌चारिले, सन्‍सारनाइ होलाइ बिस्‍वास गर्‌ला, सम्‍मानसाथ होलाइ स्‍वर्‌गनाइ लाकाल्‍ते।