लुका 2:51 - माझी

⁵¹ ह्‍व पछि येसु आमेक-ब्‍वाकसिन नासरतनाइ फर्‌किले र होल्‍को आग्‍या मानिके बस्‍ले। येसुकरि आमेक मरियमिन चाइ ह्‍य सेब्‍बे कुरो आफ्‍ने मननाइ धर्‌लि।

लुका 2:51 ပူးပေါင်းရင်းမြစ်များ

मर्‌कुस 1:9

ह्‍व दिननाइ येसु गालिल छेत्‍रकर नासरतबान आइले र युहन्‍नाबान यर्‌दन लदिनाइ बप्‍तिस्‍मा लिले।

मर्‌कुस 6:3

ह्‍य होइ मरियमकर बेटाक काठे कर्‌मि बया र? केति ह्‍य याकुब, योसेफ, यहुदा र सिमोनकर दाजेक बया र? हेक्‍रि बइनेकलत पुनि ता हाइसिन ने आछत!” इत्‍तिके होल्‍किन येसुलाइ तुच्‍छ ठान्‍ला।

लुका 18:37

मान्‍छेल्‍किन होलाइ बल्‍ला, “नासरतकर येसु हेइ बाट हकिके जाइतिन आछ।”

लुका 2:19

तर मरियमिन चाइ ह्‍य सेब्‍बे कुरो आफ्‍ने मननाइ धर्‌लि र सोच्‍तिन बस्‍लि।

लुका 2:39

जब होलत परमेसोरकर नियम अन्‍सार गरइ पर्‌नार सेब्‍बे काम गरिसकिकइ योसेफ र मरियम येसुलाइ लिके गालिलकर आफ्‍ने सहर नासरतनाइ फर्‌किला।

लुका 4:16

येसु आफि हुर्‌किल सहर नासरतनाइ आइपुग्‍ले। सदइठि येसु बिस्‍राम-दिन सभाघरनाइ जाइले अनि धर्‌मसास्‍तर पढइलाइ ठडाइले।

लुका 4:23

येसुन होल्‍काइ बल्‌-ल्‍याक, “अब पक्‍कइ पुनि तोराल्‍किन मुइलाइ ह्‍य उखान बाज्‍नार आछो, ‘ए डाक्‍टर, पइला तुइ आफिलाइ बिसेक पार। कफर्‌नहुमनाइ तुइनिन जे-जत्‍ता गर्‌ल बाजिके हाइनिन सुन्‍लाइ रइले, ह्‍व सेब्‍बे हेइ आफ्‍ने सहरनाइ पुनि गर।’”