लुका 2:26 - माझी

²⁶ “परमपर्‌भुन पाठाइल मुक्‍तिदाता खिरिस्‍टलाइ नदेखुन्‍जेल सम्‍म तुइ बइमरस” बाजिके पबित्‍र आत्‍मान सिमियोनलाइ अगाडि ने बल्‍ल रल्‍ति।

लुका 2:26 ပူးပေါင်းရင်းမြစ်များ

लुका 2:29

“हे परमपर्‌भु, तुइनिन आफ्‍ने बाचा पुरा गर्‌लाछस, अब तोर सेवा गर्‌नारलाइ सान्‍तिसिन बिदा दिक।

लुका 9:27

तर साँच्‍चि मुइ तोराल्‍काइ बल्‍छु, इछि ठडाइनाराइ मद्‌दे कत्‍ताल्‍किन चाइ परमेसोरकर राज्‍यलाइ नदेखुन्‍जेल सम्‍म मर्‌नाराइ बइनेत।”

पेरित 10:38

परमेसोरिन नासरतकर येसुलाइ पबित्‍र आत्‍मा र सक्‍तिन अभिसेक गर्‌ले। परमेसोर येसुसिन हक्‍ल हुदान येसुन मजार काम गर्‌तिन र दियाबलसिन सताइलाल्‍काइ बिसेक पार्‌तिन सेब्‍बे ठउँनाइ जाइले।

पेरित 17:3

पावलिन धर्‌मसास्‍तरनाइ लेख्‍ल कुरो बुजाइतिन खिरिस्‍टनिन दुख भोगइ पर्‌छि र मर्‌लबान जिउँते हकइपर्‌छि बाजिके पर्‌मानित गरिदिल्‍ते। र पावलिन बाज्‍ले, “मुइनिन पर्‌चार गर्‌ल येसु ने मुक्‍ति दिनार खिरिस्‍ट हो।”

पेरित 2:36

“होइहुदान इज्‍राएलकराइ सेब्‍बे घर परिवारकिन ह्‍य कुरो पक्‍का गरिके जान्‍दिखन कि तोराल्‍किन कुरुसनाइ टागिकइ मार्‌ल येसुलाइ ने परमेसोरिन पर्‌भु र खिरिस्‍ट बानाल्‍ते।”

पेरित 9:20

अनि साउल तुरुन्‍तइ सभाघरनाइ पसिके “पर्‌भु येसु ने परमेसोरकर बेटाक हो” बाजिके पर्‌चार गरइ लाग्‍ले।