लुका 16:16 - माझी

¹⁶ “बप्‍तिस्‍मा दिनार युहन्‍नाकर बेलासम्‍म मोसान लेख्‍ल परमेसोरकर नियम र अगमबक्‍ताल्को सिछ्‌या चलि धर्‌ल रल्‍ति। ह्‍व बेलासिन अखनसम्‍म परमेसोरकर राज्‍यकर सुसमचार पर्‌चार हकिधर्‌लाछि र सेब्‍बाइ मान्‍छेलत ह्‍व राज्‍यनाइ पसइलाइ जोड गर्‌छत।

लुका 16:16 ပူးပေါင်းရင်းမြစ်များ

मर्‌कुस 1:14

युहन्‍ना थुनानाइ पर्‌लपछि परमेसोरकर सुसमचार पर्‌चार गर्‌तिन येसु गालिलनाइ आइले।

मर्‌कुस 1:45

अनि ह्‍व निस्‍किके जाइले, र आफि बिसेक हक्‍ल कुरो सेब्‍बेपटि सुनाइ लाग्‍ले। होइहुदान येसु फेरि खुल्‍लमखुल्‍ला सहरनाइ पोसइ बइसक्‍ले र एकान्‍त ठउँनाइ बसइ लाग्‍ले। तर मान्‍छेलत चारेपट्‌यान येसु हक्‍लनाइ आइला।

लुका 10:11

‘हाम्‍रो पइतलानाइ टासिल तोराल्‍को सहरकर धुलोसमेत हाइ तोराल्‍को बिरुद्‌दनाइ टकटकाइछे। तर पुनि तोरा जानो, कि परमेसोरकर राज्‍य नजिकइ आइपुग्‍लाछि।’

लुका 10:9

उछि हक्‍लाइ बिरामिल्‍काइ बिसेक पारो, अनि होल्‍काइ ‘परमेसोरकर राज्‍य तोराल्‍के नजिक आइपुग्‍लाछि’ बाजिके सुनाओ।

लुका 16:29

अब्‍राहामिन बाज्‍ले, ‘होल्‍कोसिन मोसा र अगमबक्‍ताल्‍किन लेख्‍ल किताब आछि, होल्‍किन ह्‍व सुन्‍दिखन।’

लुका 16:31

अब्‍राहामिन होलाइ बलल्‍ते, ‘मोसा र अगमबक्‍ताल्‍किन लेख्‍ल किताब पढिके र सुनिके बिस्‍वास बइगरत भने, मर्‌ल मानुस जिउँते हकिके होल्‍कोनाइ जाइतिन पुनि बिस्‍वास गर्‌नार बइनेत।’”

लुका 9:2

येसुन होल्‍काइ परमेसोरकर राज्‍यकर बारेनाइ सुनाइ र बिरामिल्‍काइ बिसेक पारइ पाठाइल्‍याक।

पेरित 3:18

तर परमेसोरिन पाठाइल खिरिस्‍टनिन दुख भोगइपर्‌छि बाजिके परमेसोरिन धेरइ अगिसिन सेब्‍बाइ अगमबक्‍ताल्‍को मुखबान बाज्‍ल अगमबानि इत्‍तिके पुरा गर्‌ले।