लुका 10:2 - माझी

² भित्‍राइ पर्‌नार अन्‍नबालि धेरइ आछि, तर खेत्‍लालत थोराइ आछत। होइ हुदान बालिकर मालिकलाइ धेराइ खेत्‍लालत पाठाइदेउ बाजिके बिन्‍ति गरो।

लुका 10:2 ပူးပေါင်းရင်းမြစ်များ

मर्‌कुस 13:34

ह्‍य ता मालिकिन आफ्‍ने नोकरकाइ घरकर सेब्‍बे कामकर जिम्‍मा दिके र पालेलाइ पुनि मजसिन रेखदेख गरइ बाजिके आग्‍या दिके परदेस लाग्‍ल जिन्‍खाए हो।

मर्‌कुस 16:15

येसुन होल्‍काइ बल्‌-ल्‍याक,“सारा सन्‍सारनाइ जाइके सेब्‍बाइ मान्‍छेल्‍काइ सुसमचार पर्‌चार गरो।

मर्‌कुस 16:20

अनि चेलालत चारेदिस जाइके पर्‌चार गर्‌ला। पर्‌भु होल्‍कोसिन हकिके काम गर्‌ले र चेलाकिन पर्‌चार गर्‌ल कुरो सत्‍य हो बाजिके पर्‌मान अचम्‍मकर कामबान देखाइले।]

लुका 9:1

येसुन बारेउटाइ चेलाल्‍काइ आफ्‍ने नजिक बालाइके होल्‍काइ सेब्‍बे किसिमकराइ भुत आत्‍मा निकाल्‍नार र बिरामिल्‍काइ बिसेक पार्‌नार सक्‍ति र अधिकार दिल्‍याक।

पेरित 11:19

इस्‍तिफनसलाइ मार्‌ल पछि सतावट सुरु हकल्‍ते, र बिस्‍वासिलत छरपस्‍ट हकिके कोइ फोनिके छेत्‍र, कोइ साइपरस टापु र कोइ एन्‍टिओखिया सहरसम्‍म पुग्‍ला। होल्‍किन यहुदिल्‍काइ मात्‍र सुसमचार सुनाइला।

पेरित 13:2

होल्‍किन उपबास बसिके पार्‌थना र पर्‌भुलाइ आराधना गरिधर्‌ल बेलानाइ पबित्‍र आत्‍मान होल्‍काइ बल्‌-ल्‍याक, “बारनाबास र साउललाइ मुइनिन जुन्‍टो कामकर लागि बालाइलाछु होइ कामकर लागि अलग गरो।”

पेरित 13:4

बारनाबास र साउललाइ पबित्‍र आत्‍मान पाठाइल्‍याक र होलत सिलुकियानाइ पुग्‍ला अनि उछ्‌यान जहाज चडिके साइपरस टापुनाइ जाइला।

पेरित 20:28

होइहुदान तोराल्‍किन आफ्‍ने र पबित्‍र आत्‍मान तोराल्‍काइ जुन बिस्‍वासिलत दिलाछ, होल्‍को मजसिन हेरचाह गरो। परमेसोरकर मन्‍डलिकराइ मान्‍छेल्‍को मजार गोठ्‌ला हको, किनारइभने पर्‌भु येसुन ह्‍व मान्‍छेल्‍काइ आफ्‍ने रकतिन किन्‍ल हो।

पेरित 22:21

तर पर्‌भुन बल्‍ले, ‘तुइ जा, किनारइभने मुइ तुइलाइ बद्‌दुर-बद्‌दुसम्‍म आने जातिल्‍कोनाइ पाठाइनार आछु।’”

पेरित 8:4

तब ह्‍व छरपस्‍ट हक्‍लाइ बिस्‍वासिल्‍किन चारेपटि जाइके पर्‌भुकर बचन सुनाइ लाग्‍ला।

१ थेसलोनिकि 2:9

दाजि-भाइ हो, तोराल्‍किन हाइनिन गर्‌ल काम र दुखलत देख्‍लाछो। तोरा कुनुल्‍काइ भार जुन्‍पर्‌दिक बाजिके रात-दिन काम गरिके हाइनिन तोराल्‍काइ परमेसोरकर सुसमचार पर्‌चार गर्‌ले।

१ थेसलोनिकि 5:12

दाजि-भाइ हो, हाइ तोराल्‍काइ बिन्‍ति गर्‌छे, तोराल्‍को माजनाइ मन लाइके पर्‌भुकर काम गर्‌नाराइ र सिछ्‌या दिनाराइ अगुवाल्‍काइ आदर गरो।

२ थेसलोनिकि 3:1

अन्‍तिमनाइ दाजि-भाइ हो, हाम्‍रो लागि पार्‌थना गर्‌देउबे, ता कि पर्‌भुकर सुसमचार चारेपटि चाने फिजिदिक र तोराल्‍किन जिन्‍खाए सेब्‍बाल्‍किन आदर गर्‌दिखन।

१ तिमोथि 4:10

होइहुदान हाइ दिलोज्‍यानिन काम र कोसिस गर्‌छे, किनारइभने हाइनिन जिउँते परमेसोरनाइ आसा धर्‌लाछे। ह्‍व सेब्‍बाइ मान्‍छेल्‍को, खास गरिके परमेसोरनाइ बिस्‍वास गर्‌नाल्‍को मुक्‍तिदाता हो।

२ तिमोथि 4:5

तर तुइ चाइ सेब्‍बे कुरोनाइ होसियार हक। दुख भोग्‍नार गर, पर्‌चार गर्‌नार कामनाइ लागिधर र आफ्‍ने सेवाकर काम पुरा गर।