लुका 10:11 - माझी

¹¹ ‘हाम्‍रो पइतलानाइ टासिल तोराल्‍को सहरकर धुलोसमेत हाइ तोराल्‍को बिरुद्‌दनाइ टकटकाइछे। तर पुनि तोरा जानो, कि परमेसोरकर राज्‍य नजिकइ आइपुग्‍लाछि।’

लुका 10:11 ပူးပေါင်းရင်းမြစ်များ

मर्‌कुस 6:11

यदि कुनइ ठउँनाइ पुग्‍तिन मान्‍छेल्‍किन तोराल्‍काइ स्‍वागत बइगर्‌ला र तोराल्‍को कुरो सुनइ बइमान्‍ला भने, ह्‍व मान्‍छेल्‍काइ परमेसोरिन गर्‌नार न्‍यायकर दिननाइ साछि देइलाइ पइतलाकर धुलो टकटकाइकइ ह्‍व गाउँलाइ छाड्‌देइ।”

लुका 10:10

तर तोरा जुन्‍टो सहरनाइ जाइछो, उछिराइ मान्‍छेल्‍किन तोराल्‍काइ स्‍वागत बइगर्‌ला भने बाट्‌नाइ जाइके बाजो,

लुका 10:9

उछि हक्‍लाइ बिरामिल्‍काइ बिसेक पारो, अनि होल्‍काइ ‘परमेसोरकर राज्‍य तोराल्‍के नजिक आइपुग्‍लाछि’ बाजिके सुनाओ।

लुका 9:5

तर तोराल्‍काइ कुनइ सहरनाइ मान्‍छेल्‍किन स्‍वागत बइगर्‌ला भने ह्‍व मान्‍छेल्‍काइ परमेसोरिन गर्‌नार न्‍यायकर दिननाइ होल्‍को बिरुद्‌दनाइ साछि देइलाइ पइतलाकर धुलो टकटकाइकइ ह्‍व गाउँलाइ छाडो।”

पेरित 13:26

“ए दाजि-भाइलत, चाहे अब्‍राहामकराइ सन्‍तान हक्‍दिखन, चाहे परमेसोरकर डर मान्‍नाराइ आने जाति हक्‍दिखन, ह्‍य मुक्‍तिकर सन्‍देस परमेसोरिन हाम्‍रे लागि पाठाइदिल हो।

पेरित 13:40

होइहुदान होसियार हको, नत्‍र ता अगमबक्‍ताल्‍किन बाज्‍ल ह्‍य कुरोलत तोरा उप्‍रान आइपर्‌नार आछि,

पेरित 13:46

तर पावल र बारनाबासिन अजइ आँट गरिके बाज्‍ला, “परमेसोरकर बचन सबभन्‍दा पइला तोराल्‍काइ ने सुनाइ आबस्‍यक रल्‍ति, तर तोराल्‍किन इन्‍कार गर्‌लो र आफिलाइ अजम्‍बरि जिबन पाइबान अयोग्‍य बानाइलो। होइहुदान अब हाइ आने जातिल्‍कोनाइ जाइछे।

पेरित 13:51

तब पावल र बारनाबासिन ह्‍व मान्‍छेल्‍काइ परमेसोरिन ने न्‍याय गर्‌नारआछ बाजिके चेतावनि दितिन पइतलाकर धुलो टकटकाइला र आइकोनियन सहरनाइ जाइला।