लुका 1:20 - माझी

²⁰ मुइनिन बल्‍ल कुरो ठिक समयनाइ पुरा हक्‍नारआछि, तर तुइनिन मुइ बल्‍ल कुरो बिस्‍वास बइगर्‌ल हुदान तोर बेटार नजन्‍मउन्‍जेल सम्‍म तुइ गुँगो र बोलइ बइसक्‍नार हक्‍नारआछस।”

लुका 1:20 ပူးပေါင်းရင်းမြစ်များ

मर्‌कुस 16:14

ह्‍व पछि एघारुटाइ चेलालत खाइधर्‌ल बेला येसु होल्‍कोनाइ देखा पर्‌ले। अनि येसुन होल्‍को अबिस्‍वास र आफ्‍ने मन कठोर पार्‌लनाइ हाकार्‌ल्‍याक। किनारइभने होल्‍किन येसु मर्‌लबान जिउँते हकिके उठ्‌लाछ बलिके आनेल्‍किन बल्‍ल कुरोनाइ बिस्‍वास गर्‌लाइ बइरइला।

मर्‌कुस 9:19

येसुन होल्‍काइ जबाफ दिल्‍याक,“ए बिस्‍वास बइगर्‌नाराइ पुस्‍ता, मुइ तोराल्‍कोसिन कखनसम्‍म बस्‍छु र? मुइ तोराल्‍काइ कत्‍तासम्‍म सइधरइ? होलाइ मुइ हक्‍लनाइ आनो।”

लुका 1:19

स्‍वर्‌गदुतिन बलल्‍ते, “मुइ परमेसोरकर नजिक ठडाइनार गब्‍रिएल स्‍वर्‌गदुत हो, मुइलाइ परमेसोरिन तुइसिन कुरो गरइ र ह्‍य खुसिकर खबर बलइ पाठाइल हो।

लुका 1:21

मन्‍दिर बाइर मान्‍छेलत “किनारइ जकरियान ढिलो गर्‌ले” बाजिके अचम्‍म मान्‍तिन ठडाइधर्‌लाइ रइला।

लुका 1:22

अनि जकरिया बाइर निस्‍किके आइतिन होल्‍कोसिन बाजइ ने बइसक्‍ले र उछि हक्‍लाइ मान्‍छेल्‍काइ हातिन इसारा गर्‌ले अनि होल्‍किन मन्‍दिर भित्‍र दर्‌सन देख्‍लसइ बाजिके था पाइला।

लुका 1:45

तुइ धन्‍यकरि हो किनारइभने परमपर्‌भुन तोर जिबनका हक्‍छि बल्‍ल कुरो पत्‍याइलइ।”

लुका 1:64

उत्‍तिने खेर जकरिया तुरुन्‍तइ बाजइ सक्‍नार हक्‍ले र परमेसोरकर पर्‌सन्‍सा गरइ लाग्‍ले।

२ तिमोथि 2:13

हाइ बिस्‍वासयोग्‍य बइहक्‍तिन पुनि, ह्‍व बिस्‍वासयोग्‍य हकिधर्‌छइ, किनारइभने होइनिन आफिलाइ इन्‍कार गरइ बइसक।

तितस 1:2

ह्‍य सत्‍यकर ग्‍यानिन अजम्‍बरि जिबनकर आसा दिछइ, अनि कइले झुट बइबाज्‍नार परमेसोरिन धर्‌ति सिस्‍टि गरइ भन्‍दा अगाडि ने ह्‍य अजम्‍बरि जिबनकर पर्‌तिग्‍या गर्‌ल रइल।