पेरित 9:34 - माझी

³⁴ पत्‍रुसिन होलाइ बलल्‍ते, “ए एनियास, येसु खिरिस्‍टिन तुइलाइ बिसेक पार्‌स्‍यास। उठिके आफ्‍ने ओछ्‌यान मिलाउ।” एनियास तुरुन्‍तइ उठिहाल्‍ले।

पेरित 9:34 ပူးပေါင်းရင်းမြစ်များ

पेरित 16:18

ह्‍व बेटिन धेरइ दिनसम्‍म इन्‍खाए गरिधर्‌लि। इत्‍तिके साराइ धर्‌लनाइ पावललाइ दिक्‍क लागिकइ ह्‍व बेटिदिस फर्‌किके भुत आत्‍मालाइ बलल्‍ते, “येसु खिरिस्‍टकर नाउँनाइ मुइ तुइलाइ आग्‍या गर्‌छु, तुइ ह्‍व बेटिबान निस्‍किके जाइहाल।” इन्‍खा बल्‍लेसात ह्‍व भुत आत्‍मा निस्‍किके जाइहाल्‍ले।

पेरित 3:12

ह्‍य देखिके पत्‍रुसिन मान्‍छेल्‍काइ बल्‌-ल्‍याक, “हे इज्‍राएलकराइ मान्‍छे हो, तोरा ह्‍य कुरोनाइ किनारइ अचम्‍म मान्‍छो? तोराल्‍किन ह्‍य मानुसलाइ हाइनिन आफ्‍ने सक्‍ति र भक्‍तिन ने हिन्‍नार गराइल जिन्‍खाए हाइलाइ किनारइ ट्‌वाल्‍ल परिके हेर्‌छो?

पेरित 3:16

येसुकर नाउँनाइ बिस्‍वास गर्‌ल हुदान तोराल्‍किन देख्‍ल र चिन्‍ल ह्‍य मानुसिन तागत पाइले। येसुबान पाइल बिस्‍वासिन ह्‍य मानुस तोरा सेब्‍बाल्‍को अगाडि बिसेक हक्‍लाछ।

पेरित 3:6

तर पत्‍रुसिन होलाइ बलल्‍ते, “मुइसिन सुन-चाँदि ता बइने, तर जे मुइसिन आछि, ह्‍व तुइलाइ मुइ दिछु। नासरतकर येसु खिरिस्‍टकर नाउँनाइ उठिके हिन।”

पेरित 4:10

तोराल्‍काइ र इज्‍राएलकराइ सेब्‍बाइ मान्‍छेल्‍काइ था हक्‍दिक कि तोराल्‍किन कुरुसनाइ टागिकइ मार्‌लाइ, र परमेसोरिन मर्‌लबान जिउँते पार्‌ल, होइ नासरतकर येसु खिरिस्‍टकर नाउँनाइ ह्‍य मानुस तोराल्‍को अगाडि बिसेक हकिके ठडाइलाछ।

पेरित 9:33

उछिका पत्‍रुसिन एनियास नाउँ गर्‌ल मानुसलाइ भेट्‌टाल्‍ते। ह्‍व पछ्‌यघात रोगिन गर्‌तिन आठ बर्‌सदेखि ओछ्‌यानबान उठइ सक्‍ल बइरइल।

पेरित 9:35

होलाइ बिसेक हक्‍ल देखिके लुड्‌डा र सारोननाइ बस्‍लाइ सेब्‍बाइ मान्‍छेल्‍किन पर्‌भुलाइ बिस्‍वास गर्‌ला।