पेरित 6:9 - माझी

⁹ तर स्‍वतन्‍तर बाज्‍नार सभाघरकराइ कत्‍ता मान्‍छेल्‍किन चाइ इस्‍तिफनसकर बिरोद गरइ लाग्‍ला। होलत कुरेनि र अलेक्‍जेन्‍डिरिया सहर, किलिकिया र एसिया छेत्‍रकराइ यहुदिलत रइला। होलत सेब्‍बाइ मिलिके इस्‍तिफनसिन बाद-बिबाद गरइ लाग्‍ला।

पेरित 6:9 ပူးပေါင်းရင်းမြစ်များ

मर्‌कुस 13:9

“तोराचाइ होसियार हकिके बसो, किनारइभने मान्‍छेल्‍किन तोराल्‍काइ आठाइके अदालतनाइ सुम्‍पिनार आछत अनि सभाघरनाइ लाकाइके ठाटाइनार आछत। तोरा मोर कारनिन बडा-हाकिम र राजाल्‍को अगाडि ठडाइनार आछो, र मोर बारेनाइ तोराल्‍किन होल्‍काइ साछि दिनारआछो।

लुका 21:12

तर ह्‍य सेब्‍बे कुरो हकइ भन्‍दा पइला मान्‍छेल्‍किन तोराल्‍काइ आठाइनारआछत, सताइनारआछत, सभाघरनाइ लाकाइके सुम्‍पिनारआछत र झ्‍यालखन्‍डनाइ हाल्‍दिनारआछत। तोराल्‍काइ मोर नाउँकर कारन राजा र हाकिमकर अगाडि पुराइनारआछत।

पेरित 11:20

तर होलत मद्‌दे कोइ-कोइ चाइ साइपरस र कुरेनिबान आइलाइ बिस्‍वासिलत रइला। होल्‍किन एन्‍टिओखियानाइ आइके आने जातिल्‍काइ पुनि पर्‌भु येसुकर बारेनाइ सुसमचार सुनाइला।

पेरित 13:1

एन्‍टिओखिया सहरकर मन्‍डलिनाइ अगमबक्‍तालत र सिछ्‌या दिनाराइ मान्‍छेलत रइला। होलत बारनाबास, काले बाज्‍नार सिमियोन, कुरेनिकर लुकियस, राजा हेरोदसिन हुर्‌किल मनेन अनि साउल रइला।

पेरित 13:45

मान्‍छेल्‍को बड्‌खो भिड देखिके यहुदिलत डाहन भरिके पावलिन बाज्‍ल कुरोकर बिरोद गर्‌तिन डाउनो गर्‌ला।

पेरित 15:23

ह्‍व चारुटाको हातनाइ होल्‍किन इन्‍खा पत्‍र पाठाइला, “एन्‍टिओखिया, सिरिया र किलिकियानाइ हक्‍लाइ आने जातकराइ बिस्‍वासि दाजि-भाइकाइ, पेरितको र एल्‍डरकोबान सेवाढोग।

पेरित 15:41

होलत सिरिया र किलिकिया हकिके जाइतिन होल्‍किन उछिकर मन्‍डलिकाइ बिस्‍वासनाइ बल्‌-ल्‍यो बानाइतिन जाइला।

पेरित 16:6

पावल र होक्‍र साथेककाइ पबित्‍र आत्‍मान एसिया छेत्‍रनाइ बचन पर्‌चार गरइ रोक्‍ल हुदान होलत फिर्‌गिया र गलातिया इलाका हक्‍तिन जाइला।

पेरित 18:24

ह्‍व समयनाइ अपोल्‍लोस नाउँ गर्‌ल एउटो यहुदि एफिससनाइ आइले। ह्‍व अलेक्‍जेन्‍डिरिया सहरकर रइल। ह्‍व मजसिन बाजइ सक्‍नार र धर्‌मसास्‍तरकर बारेनाइ धेरइ ग्‍यान रल्‍ति।

पेरित 19:10

ह्‍य काम दुइ बर्‌ससम्‍म चलिधरल्‍ते, र एसिया छेत्‍रनाइ हक्‍लाइ सेब्‍बाइ यहुदि र आने जातिल्‍किन पर्‌भुकर बचन सुन्‍ला।

पेरित 19:26

तर पावलिन केति बाज्‍तिन आछ ह्‍व ता तोराल्‍किन सुन्‍लाइ र देख्‍लाइ आछो। होइनिन एफिससनाइ मात्‍र बया एसिया छेत्‍रनाइ हक्‍ल सेब्‍बे ठउँकराइ मान्‍छेल्‍काइ हातिन बानाइल देबिदेउतालत ता केइ पुनि बया बाजिके भड्‌काइकइ लाकाइ धर्‌लाछ।

पेरित 21:27

जब सुद्‌द हक्‍नार सातउ दिन पुरा हकइ लाग्‍ल रल्‍ति, तब एसिया छेत्‍रबान आइलाइ केइ यहुदिल्‍किन पावललाइ मन्‍दिरनाइ देखिके भिडकाइ सुर्‌याइला र पावललाइ पक्‍रिला।

पेरित 21:39

पावलिन बाज्‍ले, “बया, मुइ ता किलिकियाकर टार्‌सस सहरनाइ जन्‍मिल यहुदि हो। मुइ होइ नाउँ चल्‍ल सहरकर एउटो नागरिक हो। बिन्‍ति आछ मुइलाइ ह्‍य मान्‍छेल्‍को अगाडि केइ कुरो बाजइ देउ।”

पेरित 22:19

मुइनिन बाज्‍नाइ, ‘हे पर्‌भु, मोर बारेनाइ होल्‍काइ सेब्‍बे कुरो था रोइस्‍याक, मुइ धेरइ सभाघरनाइ जाइके तुइलाइ बिस्‍वास गर्‌नारकाइ झ्‍यालखन्‍डनाइ थुन्‍ल र ठाटाइल पुनि सेब्‍बाल्‍किन देख्‍लाछत।

पेरित 22:3

अनि पावलिन बाज्‍ले, “मुइ किलिकियाकर टार्‌सस सहरनाइ जन्‍मिल एक यहुदि हो, तर मुइ हेइ यरुसलेम सहरनाइ धर्‌म-गुरु गमलिएलकर चेला हकिके हुर्‌किनाइ। हाम्‍रो पुर्‌खादेखि चल्‍तिन आइल बिधि र परमेसोरकर नियम मुइनिन मजसिन सिक्‍नाइ। आज तोरा परमेसोरनाइ जत्‍ता जोसिलाइ आछो, मुइ पुनि ओत्‍ता ने जोसिलो रइनाइ।

पेरित 23:34

ह्‍व पत्‍र पढिसक्‍लपछि फेलिक्‍सिन पावललाइ सोदल्ते, “तोर घर कुन ठउँनाइ हो?” पावलिन बाज्‍ले, “किलिकियानाइ हो।”

पेरित 24:18

हेल्‍किन मुइलाइ मन्‍दिरनाइ भेट्‌टाइतिन सुद्‌द हक्‍नार बिधि मुइनिन पुरा गरिसक्‍ल रइनाइ। उछिका न ता कुनइ भिड रल्‍ति न ता कुनइ होहल्‍ला ने रल्‍ति।

पेरित 26:11

मुइ सेब्‍बे सभाघरनाइ जाइके होल्‍काइ धेरे चोटि सजाय दिनाइ र येसुलाइ बिस्‍वास जुनगरो बाजिके थर्‌काइतेनाइ। होल्‍कोसिन एकदम रिसाइके मुइ अर्‌को देसकर सहरनाइ पुनि जाइके उछिकराइ बिस्‍वासिल्‍काइ सताइ लाग्‍नाइ।

पेरित 6:10

जब इस्‍तिफनसिन पबित्‍र आत्‍माकर सक्‍ति र बुद्‌दिन बाज्‍तेल तब होल्‍किन इस्‍तिफनसकर बिरोद गरइ बइसक्‍तेला।