पेरित 6:7 - माझी

⁷ परमेसोरकर बचन फइलितिन जाल्‍ते र चेलाल्‍को सङ्‌ख्‍या यरुसलेमनाइ एकदम बाढ्‌तिन जाल्‍ते। धेराइ पुजारिल्‍किन पुनि येसुनाइ बिस्‍वास गर्‌ला।

पेरित 6:7 ပူးပေါင်းရင်းမြစ်များ

लुका 2:34

सिमियोनिन होल्‍काइ आसिर्‌बाद दिल्‍याक र येसुकरि आमेक मरियमलाइ बलल्‍ते, “सुन, ह्‍य नानि परमेसोरदिस देखाइनार चिन्‍न हकइलाइ छान्‍ल हो। धेराइ मान्‍छेल्‍किन हेक्‍र बिरोद गर्‌नारआछत। हेक्‍र कारनिन इज्‍राएलकराइ धेराइ मान्‍छेल्‍को नास हक्‍नारआछि र धेराल्‍को उद्‍दार हक्‍नारआछि।

पेरित 12:24

तर परमेसोरकर बचन फइलिल्‍ते र बिस्‍वासिल्‍को सङ्‌ख्‍या पुनि बाढ्‌तिन जाल्‍ते।

पेरित 13:8

तर एलुमास जादुगरिन (गिरिक भासानाइ एलुमासकर अर्‌थ जादुगर हो) सर्‌गियस पउलुसलाइ बिस्‍वासबान फर्‌काइकर लागि बारनाबास र साउललाइ बिरोद गर्‌ले।

पेरित 14:22

होल्‍किन ह्‍व ठउँ-ठउँनाइ हक्‍लाइ पर्‌भुकराइ चेलाल्‍काइ आत्‍मानाइ दरो बानाइला र बिस्‍वासनाइ लागिधरइ बाजिके उत्‍साह दितिन बल्‌-ल्‍याक, “हाइ परमेसोरकर राज्‍यनाइ जाइकर लागि धेरे दुख कस्‍ट सइपर्‌छइ।”

पेरित 19:20

इत्‍तिके पर्‌भुकर बचन सक्‍तिसालि हक्‍तिन र फइलितिन जाल्‍ते।

पेरित 2:47

र सदइ परमेसोरकर पर्‌सन्‍सा गर्‌तेला। सेब्‍बाइ मान्‍छेल्‍किन होल्‍काइ मजाराइ मान्‍छेलत हो बाजिके ठान्‍तेला। अनि मुक्‍ति पाइनारको सङ्‌ख्‍या होल्‍को समुहनाइ परमेसोरिन दिन-दिने थपिदिल्‍याक।

पेरित 21:20

पावलकर कुरो सुनिके होल्‍किन परमेसोरकर पर्‌सन्‍सा गर्‌ला। अनि होल्‍किन पावललाइ बल्‍ला, “हेर भाइ, इछि पुनि हजारउ यहुदिल्‍किन पर्‌भु येसुनाइ बिस्‍वास गर्‌लाछत, र मोसान लेख्‍ल परमेसोरकर नियम पुनि मजसिन पालन गर्‌छत।

पेरित 6:1

ह्‍व दिननाइ चेलाल्‍को सङ्‌ख्‍या बाढ्‌तिन जाइल रल्‍ति, बाढ्‌तिन जाइतिन हिब्‍रु भासा बाज्‍नाराइ यहुदिल्‍को बिरुद्‌दनाइ गिरिक भासा बाज्‍नाराइ यहुदिल्‍किन गनगन गर्‌ला, किनारइभने दिन्‍ने खाइनार कुरो बाड्‌तिन हाम्‍राइ बिद्‌दुइको मजसिन वास्‍ता बइगर्‌ला बाजिके गिरिक भासा बाज्‍नाराइ यहुदिल्‍को भनाइ रल्‍ति।

२ थेसलोनिकि 1:8

होइनिन परमेसोरलाइ बइचिन्‍नारकाइ र हाम्‍रो पर्‌भु येसुकर सुसमचार बइमान्‍नारकाइ दन्‍ड दिनारआछ।

२ तिमोथि 2:9

हेइ सुसमचार पर्‌चार गर्‌ल हुदान मुइ दुख भोगि धर्‌लाछु, र अपराधि जिन्‍खाए साङ्‌लान बाँदिलाछु। तर परमेसोरकर बचन ता साङ्‌लान बइबाँदि।