पेरित 5:34 - माझी

³⁴ तर उछिका गमलिएल नाउँ गर्‌ल फरिसि महासभाकर अगाडि ठडाइले। होलाइ सेब्‍बाल्‍किन मान गर्‌तेला र असल धर्‌म-गुरु पुनि रइल। होइनिन पेरितकाइ महासभाबान एकछिन बाइर जाइनार आदेस दिल्‍याक,

पेरित 5:34 ပူးပေါင်းရင်းမြစ်များ

लुका 2:46

तिन दिननाइ होल्‍किन बेटाकलाइ मन्‍दिरनाइ भेट्‍टाइला। येसु धर्‌म-गुरुल्‍कोसिन बसिके होल्‍को कुरो सुन्तिन र परस्‍न सोत्‍तिन रइल।

लुका 5:17

एक दिन येसुन घर भित्‍र मान्‍छेल्‍काइ सिछ्‌या दिधर्‌ल रइल। केइ धर्‌म-गुरुलत र फरिसिलत पुनि येसुकर छेउनाइ बसिधर्‌लाइ रइला। होलत चाइ गालिल र यहुदिया छेत्‍रकर सेब्‍बे गाउँ र यरुसलेम सहरबान पुनि आइलाइ रइला। येसुसिन बिरामिल्‍काइ बिसेक पार्‌नार परमपर्‌भुकर सक्‍ति रल्‍ति।

पेरित 22:3

अनि पावलिन बाज्‍ले, “मुइ किलिकियाकर टार्‌सस सहरनाइ जन्‍मिल एक यहुदि हो, तर मुइ हेइ यरुसलेम सहरनाइ धर्‌म-गुरु गमलिएलकर चेला हकिके हुर्‌किनाइ। हाम्‍रो पुर्‌खादेखि चल्‍तिन आइल बिधि र परमेसोरकर नियम मुइनिन मजसिन सिक्‍नाइ। आज तोरा परमेसोरनाइ जत्‍ता जोसिलाइ आछो, मुइ पुनि ओत्‍ता ने जोसिलो रइनाइ।

पेरित 4:15

होइहुदान होल्‍किन पत्‍रुस र युहन्‍नालाइ महासभाबान बाइर जाइनार आदेस दिल्‍याक अनि होलत चाइ आपसनाइ मिलिके इन्‍खा छलफल गर्‌ला,

पेरित 5:21

ह्‍य सुन्‍ल पछि होलत ब्‍यानिन्‍न उज्‍यालो हकइ लाग्‍तिन मन्‍दिरनाइ जाइके मान्‍छेल्‍काइ सिकाइ थाल्‍ला। पर्‌धान पुजारि र ह्‍वसिन हक्‍लाइ मान्‍छेल्‍किन इज्‍राएलकराइ सेब्‍बाइ अगुवाल्‍काइ महासभानाइ बालाइला। ह्‍व पछि पेरितकाइ झ्‍यालखन्‍डबान आनइलाइ सिपाइकाइ पाठाइला।

पेरित 5:27

होल्‍किन पेरितकाइ महासभाकर अगाडि ठडाइ लाइला, र पर्‌धान पुजारिन होल्‍काइ सोद्‌ल्‍याक,

पेरित 5:35

र महासभाकराइ मान्‍छेल्‍काइ बल्‌-ल्‍याक, “हे इज्‍राएलकराइ मान्‍छे हो, ह्‍य मान्‍छेल्‍काइ तोराल्‍किन जे गरइ आँट्‌लाछो, होइनाइ होसियार हको।