पेरित 5:31 - माझी

³¹ इज्‍राएलिल्‍किन आफ्‍ने पापलाइ मानिलिके छाड्‌दिखन र छेमा पाइदिखन बाजिके परमेसोरिन येसुलाइ राजा र मुक्‍तिदाता बानाइके उच्‍च पारिके आफ्‍ने दाइनेपटि धरल्‍ते।

पेरित 5:31 ပူးပေါင်းရင်းမြစ်များ

मर्‌कुस 2:10

तर मानुसकर बेटाकलाइ ह्‍य धर्‌तिनाइ पाप छेमा गर्‌नार अधिकार आछि बाजिके तोराल्‍किन जानो।” अनि येसुन ह्‍व पछ्‌यघातिलाइ बलल्‍ते,

मर्‌कुस 4:12

ताकि, ‘होल्किन हेरइ ता हेर्‌छत, तर बइदेखत, सुनइ ता सुन्‍छत, तर बइबुजत, नत्‍रता होल्‍किन आफ्‍ने पाप छाडिके फर्‌कि आइनाला, र होल्‍को पाप छेमा हक्‍नाल्‍ति।’”

लुका 2:11

आज राजा दाउदकर सहरनाइ मुक्‍तिदाताकर जन्‍म हक्लाछि, ह्‍व ने परमेसोरिन पाठाइल खिरिस्‍ट, पर्‌भु हो।

लुका 24:47

खिरिस्‍टकर नाउँनाइ आफ्‍ने पापलाइ मानिलिके छाड्‌ले भने पापबान माफ पाइछे बाज्‍नार कुरो यरुसलेमबान लिके सेब्‍बाइ जातिकराइ मान्‍छेल्‍काइ सुनाइ पर्‌छइ।

पेरित 11:18

ह्‍य कुरो सुन्‍लपछि यहुदि बिस्‍वासिल्‍किन पत्‍रुसलाइ बिरोद गरइ छाड्‌ला, र इन्‍खा बाज्‍तिन परमेसोरकर महिमा गर्‌ला, “अब ता आने जातिल्‍काइ पुनि परमेसोरिन आफ्‍ने पाप मानिलिके छाड्‌नार र अजम्‍बरि जिबन लिनार अनुमति दिलसइ।”

पेरित 13:23

आफिन गर्‌ल पर्‌तिग्‍या पुरा गरिके परमेसोरिन इज्‍राएलिल्‍को लागि दाउद राजाकर सन्‍तानबान ने एउटो मुक्‍तिदाता पाठाइले, ह्‍व ने येसु हो।

पेरित 2:33

परमेसोर ब्‍वान येसुलाइ उच्‍च पारिके आफ्‍ने दाइने हातपटि धरल्‍ते, र आफ्‍ने पर्‌तिग्‍या अन्‍सार येसुलाइ पबित्‍र आत्‍मा दिल्‍ते, अनि होइ पबित्‍र आत्‍मा येसुन हाइ उप्‍रान खन्‍याइदिलाछ, होइ कुरो अखन तोराल्‍किन सुन्‍तिन र देख्‍तिन आछो।

पेरित 2:36

“होइहुदान इज्‍राएलकराइ सेब्‍बे घर परिवारकिन ह्‍य कुरो पक्‍का गरिके जान्‍दिखन कि तोराल्‍किन कुरुसनाइ टागिकइ मार्‌ल येसुलाइ ने परमेसोरिन पर्‌भु र खिरिस्‍ट बानाल्‍ते।”

पेरित 2:38

पत्‍रुसिन होल्‍काइ बल्‌-ल्‍याक, “तोराल्‍किन पाप छेमाकर लागि आ-आफ्‍ने पाप मानिलिके छाडो र येसु खिरिस्‍टकर नाउँनाइ बप्‍तिस्‍मा लिओ, र तोराल्‍किन परमेसोरकर बरदान पबित्‍र आत्‍मा पाइनारआछो।

पेरित 3:15

जिबन दिनारलाइ तोराल्‍किन मार्‌लो, तर परमेसोरिन होलाइ मर्‌लबान जिउँते पारल्‍ते, अनि हेइ कुरोकर हाइ साछि आछे।

पेरित 3:19

अब तोरा आ-आफ्‍ने पापलाइ मानिलिके परमेसोरदिस फर्‌कोउबे र परमेसोरिन तोराल्‍को सेब्‍बे पाप छेमा गर्‌दिनार आछ अनि परमपर्‌भुबान सान्‍ति र आनन्‍द पाइनार आछो।

पेरित 3:26

तोरा सेब्‍बाल्‍काइ आफ्‍ने दुस्‍ट कामबान फर्‌काइकइ आसिस देइलाइ परमेसोरिन आफ्‍ने सेबकलाइ छानिकइ होलाइ सबभन्‍दा पइला तोराल्‍कोनाइ ने पाठाइले।”

पेरित 4:11

‘येसु ने ह्‍व पाथर हो, जुन तोरा घर बानाइनाराइ कर्‌मिकिन काम बइलागि बाजिके फ्‍याङ्‌लाइ रइलो, तर होइ पाथर ने घर बानाइतिन मुख्‍य सुरे पाथर हकल्‍ते।’

तितस 1:4

मुइसिन एउटे बिस्‍वासनाइ हक्‍ल मोर साँचो बेटाक तितसलाइ ह्‍य चिठ्‌ठि लेख्‍तिनआछु। परमेसोर ब्‍वा र हाइलाइ मुक्‍ति दिनार खिरिस्‍ट येसुबान तुइलाइ अनुगरह र सान्‍ति हक्‍दिक।

तितस 2:10

होल्‍किन जुनचोराइदिखन, तर सेब्‍बे कुरोनाइ इमान्‍दार र बिस्‍वासयोग्‍य हक्‍दिखन। इनिखे होल्‍किन सेब्‍बे कुरोनाइ हाम्‍रो मुक्‍तिदाता परमेसोरकर बारेनाइ सिकाइनार सिछ्‌यालाइ आदर गर्‌दिखन।

तितस 2:13

इनिखे ने हाइनिन आसा धर्‌ल कुरो पुरा हक्‍नार दिनकर बाट हेर्‌छे। ह्‍व दिन हाम्‍रो महान परमेसोर र मुक्‍तिदाता येसु खिरिस्‍टकर बड्‌खो आदर हक्‍ल देखइ पाइनारआछे।