पेरित 5:21 - माझी

²¹ ह्‍य सुन्‍ल पछि होलत ब्‍यानिन्‍न उज्‍यालो हकइ लाग्‍तिन मन्‍दिरनाइ जाइके मान्‍छेल्‍काइ सिकाइ थाल्‍ला। पर्‌धान पुजारि र ह्‍वसिन हक्‍लाइ मान्‍छेल्‍किन इज्‍राएलकराइ सेब्‍बाइ अगुवाल्‍काइ महासभानाइ बालाइला। ह्‍व पछि पेरितकाइ झ्‍यालखन्‍डबान आनइलाइ सिपाइकाइ पाठाइला।

पेरित 5:21 ပူးပေါင်းရင်းမြစ်များ

लुका 22:66

ब्‍यान उज्‍यालो हक्‍ले सात अगुवालत, मुख्‍य पुजारिलत र धर्‌म-गुरुलत जम्‍मा हक्‍ला। अनि येसुलाइ महासभानाइ लाकाइला,

पेरित 22:15

किनारइभने तुइनिन जे कुरो सुन्‍ल र देख्‍लाछस, ह्‍य सेब्‍बे कुरोकर तुइ मान्‍छेल्‍को अगाडि होक्‍र साछि हक्‍नारआछस।

पेरित 22:5

मुइनिन बाज्‍ल ह्‍य कुरो साँच्‍चि हो बाजिके पर्‌धान पुजारि र महासभाकराइ सदस्‍यकिन पुनि साछि देइ सक्‍छत। होल्‍किन ने मुइलाइ दमस्‍कसनाइ हक्‍लाइ यहुदि दाजि-भाइको नाउँनाइ पत्‍र दिला र मुइ उछि हक्‍लाइ बिस्‍वासिल्‍काइ पक्‍रिके यरुसलेमनाइ आनिके सजाय देइलाइ दमस्‍कस जाइतिन रइनाइ।

पेरित 5:17

पर्‌धान पुजारि र होक्‍र सदुकि समुहकराइ मान्‍छेलत डाहन भरिके पेरितको बिरोद गर्‌ला,

पेरित 5:27

होल्‍किन पेरितकाइ महासभाकर अगाडि ठडाइ लाइला, र पर्‌धान पुजारिन होल्‍काइ सोद्‌ल्‍याक,

पेरित 5:34

तर उछिका गमलिएल नाउँ गर्‌ल फरिसि महासभाकर अगाडि ठडाइले। होलाइ सेब्‍बाल्‍किन मान गर्‌तेला र असल धर्‌म-गुरु पुनि रइल। होइनिन पेरितकाइ महासभाबान एकछिन बाइर जाइनार आदेस दिल्‍याक,

पेरित 5:41

पेरितलत येसुकर नाउँनाइ दुख र अपमान सइनाराइ योग्‍यकराइ ठहरिले बल्‍ल कुरोनाइ आनन्‍द मानाइतिन महासभाबान निस्‍किके जाइला।