पेरित 4:29 - माझी

²⁹ अब हे पर्‌भु, होल्‍किन दिल धम्‍किलाइ याद गर, र तोर बचन साहससिन बाजइलाइ हाइलाइ सक्‍ति देउ।

पेरित 4:29 ပူးပေါင်းရင်းမြစ်များ

पेरित 13:46

तर पावल र बारनाबासिन अजइ आँट गरिके बाज्‍ला, “परमेसोरकर बचन सबभन्‍दा पइला तोराल्‍काइ ने सुनाइ आबस्‍यक रल्‍ति, तर तोराल्‍किन इन्‍कार गर्‌लो र आफिलाइ अजम्‍बरि जिबन पाइबान अयोग्‍य बानाइलो। होइहुदान अब हाइ आने जातिल्‍कोनाइ जाइछे।

पेरित 14:3

ता पुनि पावल र बारनाबासिन आफ्‍ने भरोसा पर्‌भुनाइ गरिके साहससिन होक्‍र बारेनाइ बाज्‍तिन धेरइ दिनसम्‍म उछि बस्‍ला। पर्‌भुन होल्‍को हातबान अचम्‍मकर काम र चिन्‍नलत गराइकइ आफ्‍ने अनुगरहकर बचन साँच्‍चि हो बाजिके पर्‌मानित गर्‌ले।

पेरित 19:8

पावल तिन महिनासम्‍म सभाघरनाइ जाइके नडाराइकइ मान्‍छेल्‍काइ पर्‌चार गर्‌ले, र परमेसोरकर राज्‍यकर बारेनाइ छलफल गरिके होल्‍काइ बुजाइल्‍याक।

पेरित 26:26

ह्‍य सेब्‍बे कुरो राजा अग्‍रिपासलाइ था आछि र होक्‍र अगाडि मुइ नडाराइकइ बाजइ सक्‍छु। ह्‍य कुरोलाइ राजान मजसिन ध्‍यान दिलाछ, किनारइभने ह्‍य एउटो कुनानाइ घट्‌ल घटना बया।

पेरित 28:31

होइनिन नडाराइकइ खुल्‍लमखुल्‍ला परमेसोरकर राज्‍यकर पर्‌चार गर्‌तिन पर्‌भु येसु खिरिस्‍टकर बारेनाइ सिकाइतेल, र कुन्‍नुल्‍किन पुनि होलाइ बइरोक्‍तेला।

पेरित 4:13

पत्‍रुस र युहन्‍ना असिछित र साधारन मानुसलत रइला तापुनि होल्‍को साहस देखिके महासभाकराइ सेब्‍बाइ मान्‍छेलत छक्‍क पर्‌ला, र हेलत येसुसिन हक्‍ल कुरो होल्‍किन था पाइला।

पेरित 4:21

महासभाकराइ मान्‍छेल्‍किन पत्‍रुस र युहन्‍नालाइ सजाय दिनार केइ उपाय बइभेट्‌टाइला, होइहुदान होल्‍काइ अजइ धेरे धम्‍कि दिके छाड्‌दिल्‍याक। किनारइभने होल्‍किन गर्‌ल अचम्‍मकर काम देखिके सेब्‍बाइ मान्‍छेल्‍किन परमेसोरकर पर्‌सन्‍सा गरिधर्‌लाइ रइला।

पेरित 4:31

होल्‍किन पार्‌थना गरिसक्‍लपछि, होलत जम्‍मा हक्‍ल ठउँ हल्‍लिल्‍ते। होलत सेब्‍बाइ पबित्‍र आत्‍मान भरिपुर्‌न हक्‍ला र होल्‍किन परमेसोरकर बचन साहससिन बाजइ लाग्‍ला।

पेरित 9:27

तर बारनाबासिन साउललाइ आफिसगिन पेरितकोनाइ लाकाल्‍ते। किनिखे साउलिन बाटनाइ पर्‌भुलाइ देखल्‍ते र पर्‌भु होइसिन कुरो गर्‌ले अनि किनिखे होइनिन दमस्‍कसनाइ येसुकर नाउँनाइ नडाराइकइ पर्‌चार गर्‌ले, ह्‍य सेब्‍बे कुरो बारनाबासिन होल्‍काइ सुनाइदिल्‍याक।

पेरित 9:28

होइहुदान साउल होल्‍कोसिन बस्‍ले, र यरुसलेमभरि नडाराइकइ पर्‌भुकर बारेनाइ पर्‌चार गर्‌ले।

१ थेसलोनिकि 2:2

उछि आइ भन्‍दा अगाडि हाइनिन फिलिप्‍पिनाइ दुख भोग्‍ल र उछिराइ मान्‍छेल्‍किन हाइलाइ अपमान गर्‌ल कुरो तोराल्‍काइ था रोइस्‍या। तर हाइलाइ बिरोद गर्‌नाराइ धेराइ हक्‍तिन ता पुनि परमेसोरकर बारेनाइ तोराल्‍काइ सुसमचार सुनाइलाइ परमेसोरिन हाइलाइ आँट दिले।

२ तिमोथि 4:17

तर पर्‌भु मोर साथनाइ हकिके आने जातिल्‍किन सुसमचार सुनइ सक्‍दिखन बाजिके पर्‌चार गरइकर लागि सक्‍ति दिले। अनि पर्‌भुन मुइलाइ सिहकर मुखबान बाचाइले।