पेरित 4:21 - माझी

²¹ महासभाकराइ मान्‍छेल्‍किन पत्‍रुस र युहन्‍नालाइ सजाय दिनार केइ उपाय बइभेट्‌टाइला, होइहुदान होल्‍काइ अजइ धेरे धम्‍कि दिके छाड्‌दिल्‍याक। किनारइभने होल्‍किन गर्‌ल अचम्‍मकर काम देखिके सेब्‍बाइ मान्‍छेल्‍किन परमेसोरकर पर्‌सन्‍सा गरिधर्‌लाइ रइला।

पेरित 4:21 ပူးပေါင်းရင်းမြစ်များ

लुका 13:17

येसुकर इन्‍खा जबाफ सुनिके बिरोदिलत चुपचाप हक्‍ला तर मान्‍छेल्‍को भिड भने येसुन गर्‌ल अचम्‍मकर काम देखिके रामाइला।

लुका 20:19

धर्‌म-गुरुल्‍किन र मुख्‍य पुजारिल्‍किन ह्‍य कुरो हाम्‍रे बिरुद्‌दनाइ बाज्‍ल हो बाजिके बुज्‍ला र येसुलाइ पक्‍रइ आट्‍ला तर होलत मान्‍छेल्‍कोसिन डाराइतेला।

लुका 20:6

मानुसबान बाजु भने सेब्‍बाइ मान्‍छेल्‍किन हाइलाइ पाथरिन हिर्‌काइनार आछत किनारइभने युहन्‍ना अगमबक्‍ता हो बाजिके होल्‍किन पक्‍का बिस्‍वास गर्‌छत।”

लुका 22:2

मुख्‍य पुजारिल्‍किन र धर्‌म-गुरुल्‍किन येसुलाइ किनिखे मार्‌नार बाजिके दाउ हेर्‌तेला, तर मान्‍छेल्‍कोसिन होलत डाराइतेला।

लुका 5:26

होलत सेब्‍बाइ अचम्‍म मान्‍ला र परमेसोरकर इन्‍खा सक्‍ति देखिके डाराइला। होल्‍किन परमेसोरकर पर्‌सन्‍सा गर्‌तिन बाज्‍ला, “आज हाइनिन कइले बइदेख्‍ल अचम्‍मकर कुरो देख्‍ले।”

पेरित 4:17

तर ह्‍य कुरो आने मान्‍छेल्‍को माजनाइ फइलइ जुनपाइदिक बाजिके हाइनिन होल्‍काइ ‘येसुकर नाउँनाइ अबसिन केइ कुरो कुनुल्‍कोसिन बइगरइ’ बाजिके चेतावनि देइपर्‌छइ।”

पेरित 4:22

इनिखे अचम्‍मकर कामबान बिसेक हक्‍ल मानुसकर उमेर चालिस बर्‌स भन्‍दा बढ्‌ता रल्‍ति।

पेरित 5:13

आने मान्‍छेलत चाइ होल्‍कोसिन मिल्‍नार आँट बइगर्‌ला, तर पुनि मान्‍छेल्‍किन होल्‍काइ आदर गर्‌तेला।

पेरित 5:26

इन्‍खा सुनिके मन्‍दिर रुङ्‌नाल्‍को कप्‍तान र सिपाइकिन पेरितकाइ जबरजस्‍ति नगरिकइ आन्‍ला, किनारइभने मान्‍छेल्‍किन होल्‍काइ पाथरिन हिर्‌काइछत कि बाजिके होलत डाराइला।

पेरित 5:40

महासभाकराइ मान्‍छेल्‍किन गमलिएलकर सल्‍ला मानिके होल्‍काइ भित्‍र बालाइके हिर्‌काइ लाइल्‍याक, अनि होल्‍किन पेरितकाइ “येसुकर नाउँनाइ कइले पुनि पर्‌चार बइगरइ” बाजिके आदेस दिल्‍याक, र होल्‍काइ छाड्‌दिल्‍याक।