20 किनारइभने हाइ ता देख्ल र सुन्ल कुरो नबाजिकइ बसइ बइसके।”
ह्व घटनालत सुरुदेखि ने आफ्ने आँखिन देख्लाइ र हेक्र बारेनाइ सुसमचार सुनाइनारकिन हाइलाइ बल्लाछत।
अर्थात युहन्नान बप्तिस्मा दिल समयसिन लिके येसु मर्लबान जिउँते हक्तिन देख्ल र स्वर्ग उठाइ लाकाइल दिनसम्म हाइसिन हक्ल हकइ पर्छि।”
तर पबित्र आत्मा तोराल्कोनाइ आइल पछि तोराल्किन सक्ति पाइनारआछो, र तोरा यरुसलेमनाइ, सेब्बे यहुदियानाइ, सामरियानाइ र धर्तिकर कुना-कुनासम्म मोर साछि हक्नारआछो।”
सिलास र तिमोथि माकेडोनियाबान आइपुग्लपछि पावल बचन पर्चार गर्नार कामनाइ मात्र बेस्त हक्ले, र यहुदिल्काइ येसु ने खिरिस्ट हो बाजिके साछि दिल्याक।
हेइ येसुलाइ परमेसोरिन जिउँते पारल्ते अनि हेइ कुरोकर हाइ सेब्बाइ साछि आछे।
अनि होलत सेब्बाइ पबित्र आत्मान भरिपुर्न हक्ला, र होल्किन पबित्र आत्माबान बाज्नार सक्ति पाइके आने भासानाइ बाजइ लाग्ला।
किनारइभने तुइनिन जे कुरो सुन्ल र देख्लाछस, ह्य सेब्बे कुरोकर तुइ मान्छेल्को अगाडि होक्र साछि हक्नारआछस।
जिबन दिनारलाइ तोराल्किन मार्लो, तर परमेसोरिन होलाइ मर्लबान जिउँते पारल्ते, अनि हेइ कुरोकर हाइ साछि आछे।
ह्य सेब्बे कुरोकर हाइ साछि आछे, र परमेसोरिन आफ्ने आग्या पालन गर्नारकाइ दिल पबित्र आत्मान पुनि साछि दितिन आछ।”