पेरित 3:19 - माझी

¹⁹ अब तोरा आ-आफ्‍ने पापलाइ मानिलिके परमेसोरदिस फर्‌कोउबे र परमेसोरिन तोराल्‍को सेब्‍बे पाप छेमा गर्‌दिनार आछ अनि परमपर्‌भुबान सान्‍ति र आनन्‍द पाइनार आछो।

पेरित 3:19 ပူးပေါင်းရင်းမြစ်များ

लुका 1:16

होइनिन इज्‍राएलकराइ धेराइ मान्‍छेल्‍काइ होल्‍को परमपर्‌भु परमेसोरदिस फर्‌काइनारआछ।

लुका 22:57

तर पत्‍रुसिन इनिखे इन्‍कार गर्‌तिन बाज्‍ले, “ए बेटि, होलाइ मुइ बइचिनिन।”

पेरित 1:6

पेरितलत येसुसिन जम्‍मा हक्‍ल बेलानाइ होल्‍किन येसुलाइ सोद्‌ला, “पर्‌भु, केति तुइनिन हेइ समयनाइ ने इज्‍राएलकर राज्‍य फेरि खडा गर्‌नार आछस?”

पेरित 11:18

ह्‍य कुरो सुन्‍लपछि यहुदि बिस्‍वासिल्‍किन पत्‍रुसलाइ बिरोद गरइ छाड्‌ला, र इन्‍खा बाज्‍तिन परमेसोरकर महिमा गर्‌ला, “अब ता आने जातिल्‍काइ पुनि परमेसोरिन आफ्‍ने पाप मानिलिके छाड्‌नार र अजम्‍बरि जिबन लिनार अनुमति दिलसइ।”

पेरित 11:21

पर्‌भुकर सक्‍ति होल्‍कोसिन हक्‍ल हुदान धेराइ मान्‍छेलत बिस्‍वास गरिके पर्‌भुनाइ फर्‌किला।

पेरित 15:3

मन्‍डलिकराइ बिस्‍वासिल्‍किन होल्‍काइ उछ्‌यान बिदा गर्‌ला। होलत फोनिके र सामरिया हकिके जाइतिन उछिराइ बिस्‍वासि दाजि-भाइकाइ आने जातिल्‍किन पुनि पर्‌भुलाइ बिस्‍वास गर्‌ल कुरो सुनाइला। ह्‍य कुरो सुनिके होलत एकदम खुसि हक्‍ला।

पेरित 17:26

धर्‌तिभरि ने मानुसलत बस्‍दिखन बाजिके परमेसोरिन एउटो मानुसबान धेरइ जाति बानाइले। होलत कछि र कखनसम्‍म बसइ पर्‌छइ बाजिके परमेसोरिन अगाडि ने तोक्‍दिल्‍याक।

पेरित 2:38

पत्‍रुसिन होल्‍काइ बल्‌-ल्‍याक, “तोराल्‍किन पाप छेमाकर लागि आ-आफ्‍ने पाप मानिलिके छाडो र येसु खिरिस्‍टकर नाउँनाइ बप्‍तिस्‍मा लिओ, र तोराल्‍किन परमेसोरकर बरदान पबित्‍र आत्‍मा पाइनारआछो।

पेरित 28:27

किनारइभने ह्‍य मान्‍छेल्‍को हिर्‌दय कठोर हक्‍लइस्‍याक, र हेल्‍को कान बइरा हक्‍लइस्‍याक, अनि हेल्‍किन आफ्‍ने आँखि बन्‍द गर्‌लाछत, नत्‍र ता हेल्‍किन आँखिन देख्‍नाला, कानिन सुन्‍नाला, हिर्‌दयन बुज्‍नाला, र मुइदिस फर्‌किनाला, अनि मुइ हेल्‍काइ बिसेक पार्‌नानाइ।”’

पेरित 3:20

र परमेसोरिन तोराल्‍को लागि पइलासिन ने चुन्‍ल मुक्‍ति दिनार खिरिस्‍ट अर्‌थात येसुलाइ पाठाइदिछइ।

पेरित 3:21

परमेसोरिन पइलासिन ने आफ्‍ने पबित्‍र अगमबक्‍ताल्‍को मुखबान बाज्‍ल सेब्‍बे कुरो नयाँ बानाइनार समय नआउन्‍जेलसम्‍म येसु स्‍वर्‌गनाइ ने हकइपर्‌छि।

२ थेसलोनिकि 1:10

ह्‍य कुरो पर्‌भु येसु आइनार दिननाइ हक्‍नारआछि। ह्‍व दिन पर्‌भु येसुन आफ्‍ने पबित्‍र जनकोबान महिमा पाइनारआछ र बिस्‍वास गर्‌नाराइ सेब्‍बाल्‍काइ छक्‍क पार्‌नारआछ, तोरा पुनि उछि हक्‍नारआछो, किनारइभने तोराल्‍किन हाइनिन पर्‌चार गर्‌ल सुसमचारनाइ बिस्‍वास गर्‌लो।

२ थेसलोनिकि 1:7

र तोरा दुख पाइलाल्‍काइ हाइसगिन छुट्‌कारा दिनारआछ, ह्‍य कुरो ह्‍व दिन हक्‍नारआछि, जब पर्‌भु येसु आफ्‍ने सक्‍तिसालि स्‍वर्‌गदुतकोसिन आगिकर ज्‍वालानाइ स्‍वर्‌गबान आइनारआछ।

२ तिमोथि 2:25

र आफ्‍ने बिरोदिकाइ नम्‍र हकिके सम्‍जाइ सक्‍नार हकइ पर्‌छइ। इन्‍खा गर्‌लइ भने परमेसोरिन होल्‍काइ आफ्‍ने पाप मानिलिनार र सत्‍यलाइ बुज्‍नार मन हाल्‍दिस्‍याक हुदो।