पेरित 3:16 - माझी

¹⁶ येसुकर नाउँनाइ बिस्‍वास गर्‌ल हुदान तोराल्‍किन देख्‍ल र चिन्‍ल ह्‍य मानुसिन तागत पाइले। येसुबान पाइल बिस्‍वासिन ह्‍य मानुस तोरा सेब्‍बाल्‍को अगाडि बिसेक हक्‍लाछ।

पेरित 3:16 ပူးပေါင်းရင်းမြစ်များ

पेरित 14:9

होइनिन पावलिन बाज्‍ल कुरो ध्‍यान दिके सुन्‍तिन रइल। पावलिन होलाइ एकडिस लाइके हेरल्‍ते, र होक्‍र बिसेक हक्‍नार बिस्‍वास आछि बाजिके पावलिन था पाइले।

पेरित 16:18

ह्‍व बेटिन धेरइ दिनसम्‍म इन्‍खाए गरिधर्‌लि। इत्‍तिके साराइ धर्‌लनाइ पावललाइ दिक्‍क लागिकइ ह्‍व बेटिदिस फर्‌किके भुत आत्‍मालाइ बलल्‍ते, “येसु खिरिस्‍टकर नाउँनाइ मुइ तुइलाइ आग्‍या गर्‌छु, तुइ ह्‍व बेटिबान निस्‍किके जाइहाल।” इन्‍खा बल्‍लेसात ह्‍व भुत आत्‍मा निस्‍किके जाइहाल्‍ले।

पेरित 3:6

तर पत्‍रुसिन होलाइ बलल्‍ते, “मुइसिन सुन-चाँदि ता बइने, तर जे मुइसिन आछि, ह्‍व तुइलाइ मुइ दिछु। नासरतकर येसु खिरिस्‍टकर नाउँनाइ उठिके हिन।”

पेरित 3:8

अनि ह्‍व जुरुक्‍क उठिके ठडाइले र हिनइ लाग्‍ले। ह्‍व हिन्‍तिन र उफ्‍रितिन परमेसोरकर पर्‌सन्‍सा गर्‌तिन होल्‍कोसिन मन्‍दिरभित्‍र पस्‍ले।

पेरित 4:10

तोराल्‍काइ र इज्‍राएलकराइ सेब्‍बाइ मान्‍छेल्‍काइ था हक्‍दिक कि तोराल्‍किन कुरुसनाइ टागिकइ मार्‌लाइ, र परमेसोरिन मर्‌लबान जिउँते पार्‌ल, होइ नासरतकर येसु खिरिस्‍टकर नाउँनाइ ह्‍य मानुस तोराल्‍को अगाडि बिसेक हकिके ठडाइलाछ।

पेरित 4:30

तोर पबित्‍र सेबक येसुकर नाउँनाइ बिरामिल्‍काइ बिसेक पारइकर लागि, अचम्‍मकर चिन्‍न देखाइलाइ र अचम्‍मकर काम गरइकर लागि आफ्‍ने सक्‍तिसालि हात बाढाउ।”

पेरित 4:7

होल्‍किन पत्‍रुस र युहन्‍नालाइ सभाकर अगाडि आनिकइ सोद्‌ला, “तोराल्‍किन कुन्‍टो सक्‍तिन वा कुनकर नाउँनाइ इन्‍खा काम गर्‌छो?”