पेरित 26:7 - माझी

⁷ हे राजा अग्‍रिपास, हेइ पर्‌तिग्‍या पाइनार आसानाइ हाम्‍रो बार कुलकिन पुनि रात-दिन एउटे मन हकिके परमेसोरकर आराधना गर्‌छत, र मुइनिन पुनि हेइ आसा धर्‌ल हुदान यहुदिल्‍किन मुइलाइ दोस लाइलाइ हो।

पेरित 26:7 ပူးပေါင်းရင်းမြစ်များ

लुका 2:25

ह्‍व बेला सिमियोन नाउँ हक्‍ल मानुस यरुसलेमनाइ बस्‍तेल। ह्‍व परमेसोरकर आग्‍या अन्‍सार हिन्‍नार र धर्‌माति मानुस रइल। होइनिन इज्‍राएलिल्‍काइ बाचाइनार मानुसकर बाट हेरिधर्‌ल रइल र परमेसोरकर आत्‍मा होइसिन रल्‍ति।

लुका 22:30

मोर राज्‍यनाइ तोरा मुइसिन टेबुलनाइ बसिके खाइनार र पिनारआछो अनि सिहासननाइ बसिके इज्‍राएलकराइ बारे कुल उप्‍रान न्‍याय गर्‌नारआछो।”

पेरित 20:31

होइहुदान मुइनिन तोराल्‍काइ तिन बर्‌ससम्‍म रात-दिन आँसु ब्‍वाइतिन एक-एक गरिके सेब्‍बाल्‍काइ चेतावनि दिल कुरो सम्‍जिकइ होसियार हकिके बसो।

पेरित 24:15

हेलत जिन्‍खाए मुइ पुनि परमेसोरिन धर्‌मि र अधर्‌मि सेब्‍बाल्‍काइ मर्‌लबान जिउँते पार्‌छइ बाजिके आस गर्‌छु।

पेरित 26:2

“हे राजा अग्‍रिपास, यहुदिल्‍किन मुइलाइ लाइल दोसकर बारेनाइ, आज तोर अगाडि आफ्‍ने बचाउकर लागि बाज्‍नार मउका पाइलनाइ मुइ खुसि आछु।

पेरित 26:3

किनारइभने तुइलाइ यहुदिल्‍को चालचलन र बाद-बिबादकर कुरो मजसिन था रोइस्‍यास। होइहुदान मुइ तुइलाइ बिन्‍ति गर्‌छु मोर बयान धइरे गरिके सुन्‍देउ।

पेरित 28:20

होइहुदान तोराल्‍काइ भेट्‌टाइके ह्‍य कुरो गरइकर लागि मुइनिन बालाइल हो। किनारइभने हाइ इज्‍राएलिल्‍किन आसा धर्‌ल मुक्‍ति दिनार राजाकर लागि मुइ ह्‍य साङ्‌लान बाधिलाछु।”

१ थेसलोनिकि 3:10

तोराल्‍काइ फेरि भेट्‌टाइके बिस्‍वासनाइ अजइ दरो बानाइ सकउ बाजिके हाइ रात-दिन जोसिलो हकिके पार्‌थना गरिधर्‌लाछे।

१ तिमोथि 5:5

तर जुन बिद्‌दुइकर कोइ बइने र अस्‍करे आछि, होइनिन आफ्‍ने भरोसा परमेसोरनाइ ने धर्‌लि हक्‍छइ। अनि होइनिन रात-दिन परमेसोरलाइ आफ्‍ने बिन्‍ति चाढाइ धर्‌छइ।