पेरित 26:5 - माझी

⁵ पइला मुइ हाम्‍रो धर्‌मकर कट्‍टर फरिसि समहुकर मानुस रइनाइ र होइ अन्‍सार जिबन बिताइतेनाइ। यदि होल्‍किन चाइला भने ह्‍य कुरोकर साछि देइ सक्‍छत।

पेरित 26:5 ပူးပေါင်းရင်းမြစ်များ

पेरित 15:5

होल्‍को कुरो सुनिके फरिसि दलकराइ केइ बिस्‍वासिल्‍किन ठडाइके बाज्‍ला, “आने जातिल्‍को पुनि खतना हकइपर्‌छइ र होल्‍काइ मोसान लेख्‍ल परमेसोरकर नियम पालन गरइ लाइपर्‌छइ।”

पेरित 22:3

अनि पावलिन बाज्‍ले, “मुइ किलिकियाकर टार्‌सस सहरनाइ जन्‍मिल एक यहुदि हो, तर मुइ हेइ यरुसलेम सहरनाइ धर्‌म-गुरु गमलिएलकर चेला हकिके हुर्‌किनाइ। हाम्‍रो पुर्‌खादेखि चल्‍तिन आइल बिधि र परमेसोरकर नियम मुइनिन मजसिन सिक्‍नाइ। आज तोरा परमेसोरनाइ जत्‍ता जोसिलाइ आछो, मुइ पुनि ओत्‍ता ने जोसिलो रइनाइ।

पेरित 22:5

मुइनिन बाज्‍ल ह्‍य कुरो साँच्‍चि हो बाजिके पर्‌धान पुजारि र महासभाकराइ सदस्‍यकिन पुनि साछि देइ सक्‍छत। होल्‍किन ने मुइलाइ दमस्‍कसनाइ हक्‍लाइ यहुदि दाजि-भाइको नाउँनाइ पत्‍र दिला र मुइ उछि हक्‍लाइ बिस्‍वासिल्‍काइ पक्‍रिके यरुसलेमनाइ आनिके सजाय देइलाइ दमस्‍कस जाइतिन रइनाइ।

पेरित 23:6

अनि पावलिन ह्‍व महासभानाइ सदुकि र फरिसिलत आछत बाजिके था पाइले र बड्‌खो सोरिन बाज्‍ले, “दाजि-भाइ हो, मुइ ता फरिसिकर बेटाक फरिसि ने हो, मुइनिन मर्‌ल मानुस फेरि जिउँते हक्‍छइ बाजिके आस गर्‌ल कारनिन इछि मोर मुद्‌दा चलिधर्‌लाछि।”

पेरित 24:14

तर ह्‍य कुरो मुइ तोर अगाडि ने सुइकार गर्‌छु, जुन्‍टो मुक्‍ति पाइनार बाटलाइ हेल्‍किन झुटो बाज्‍छत, होइ अन्‍सार मोसान लेख्‍ल परमेसोरकर नियम र अगमबक्‍ताल्‍किन लेख्‍ल किताबकर सेब्‍बे कुरो बिस्‍वास गर्‌छु, अनि मुइ हाम्‍रो पुर्‌खाल्‍किन मान्‍तिन आइल परमेसोरकर आराधना गर्‌छु।

पेरित 24:5

हाइनिन ह्‍य मानुसलाइ जताततइ दुख दितिन हिन्‍नार, सन्‍सारभरिकराइ सेब्‍बाइ यहुदिल्‍को माजनाइ आन्‍दोलन गराइनार भेट्‍टाइले र नासरि समुहकर मुख्‍य अगुवा पुनि हो।