पेरित 26:3 - माझी

³ किनारइभने तुइलाइ यहुदिल्‍को चालचलन र बाद-बिबादकर कुरो मजसिन था रोइस्‍यास। होइहुदान मुइ तुइलाइ बिन्‍ति गर्‌छु मोर बयान धइरे गरिके सुन्‍देउ।

पेरित 26:3 ပူးပေါင်းရင်းမြစ်များ

पेरित 21:21

होल्‍किन तोर बारेनाइ केइ कुरो सुन्‍लाछत, ह्‍व कुरो आने जातिल्‍को माजनाइ हक्‍लाइ यहुदिल्‍काइ तुइनिन, ‘मोसान लेख्‍ल परमेसोरकर नियम पालन बइगरइ, आफ्‍ने बेटाकको खतना बइगरइ र यहुदि रितिथिति पालन बइगरइ’ बाजिके सिकाइल आछस रे।

पेरित 24:10

बडा-हाकिमिन हातकर इसारान पावललाइ बाज्‍नार आग्‍या दिलपछि पावलिन बाज्‍ले, “तुइ धेरइ बर्‌ससिन यहुदिल्‍को न्‍यायधिस हक्‍ल कुरो मुइलाइ था आछ। होइहुदान तोर अगाडि आफ्‍ने बचाउकर लागि बयान देइ मुइलाइ खुसि लाग्‍लाछ।

पेरित 24:4

तर मुइ तोर धेरइ समय बइलिउ, हाम्‍रो बिन्‍ति छोटकरिनाइ बल्‍छु दया गरिके सुन्‍देउ।

पेरित 25:26

तर हेक्‍र बारेनाइ मुइ सम्‍राटलाइ केइ पुनि लेखइ बइसक्‍नाइ। होइहुदान मुइ ह्‍यलाइ तोराल्‍को अगाडि, र खास गरिके हे राजा अग्‍रिपास, तोर अगाडि आन्‍लाछु। तोराल्‍किन हेक्‍र जाँच गर्‌लपछि मुइ केइ कुरो लेखइ पाइछु कि बाजिके आस गर्‌लाछु।

पेरित 26:2

“हे राजा अग्‍रिपास, यहुदिल्‍किन मुइलाइ लाइल दोसकर बारेनाइ, आज तोर अगाडि आफ्‍ने बचाउकर लागि बाज्‍नार मउका पाइलनाइ मुइ खुसि आछु।

पेरित 26:26

ह्‍य सेब्‍बे कुरो राजा अग्‍रिपासलाइ था आछि र होक्‍र अगाडि मुइ नडाराइकइ बाजइ सक्‍छु। ह्‍य कुरोलाइ राजान मजसिन ध्‍यान दिलाछ, किनारइभने ह्‍य एउटो कुनानाइ घट्‌ल घटना बया।

पेरित 26:7

हे राजा अग्‍रिपास, हेइ पर्‌तिग्‍या पाइनार आसानाइ हाम्‍रो बार कुलकिन पुनि रात-दिन एउटे मन हकिके परमेसोरकर आराधना गर्‌छत, र मुइनिन पुनि हेइ आसा धर्‌ल हुदान यहुदिल्‍किन मुइलाइ दोस लाइलाइ हो।

पेरित 28:17

तिन दिनपछि पावलिन उछिराइ यहुदिल्‍को अगुवाल्‍काइ बालाइल्‍याक। होलत जम्‍मा हक्‍लपछि पावलिन बल्‌-ल्‍याक, “दाजि-भाइ हो, मुइनिन ता हाम्‍रो जाति र हाम्‍रो पुर्‌खादेखि चल्‍तिन आइल रितिथितिकर बिरुद्‌दनाइ केइ काम बइगर्‌तिन पुनि यहुदि दाजि-भाइकिन मुइलाइ यरुसलेमनाइ आठाइके रोमिल्‍को जिम्‍मानाइ सुम्‍पिदिला।

पेरित 6:14

नासरतकर येसुन ह्‍य मन्‍दिरलाइ भत्‍काइनारआछ र मोसान हाइलाइ दिल रितिथिति पुनि परिबर्‌तन गर्‌नारआछ बाज्‍ल हाइनिन सुन्‍ले।”