पेरित 26:11 - माझी

¹¹ मुइ सेब्‍बे सभाघरनाइ जाइके होल्‍काइ धेरे चोटि सजाय दिनाइ र येसुलाइ बिस्‍वास जुनगरो बाजिके थर्‌काइतेनाइ। होल्‍कोसिन एकदम रिसाइके मुइ अर्‌को देसकर सहरनाइ पुनि जाइके उछिकराइ बिस्‍वासिल्‍काइ सताइ लाग्‍नाइ।

पेरित 26:11 ပူးပေါင်းရင်းမြစ်များ

मर्‌कुस 13:9

“तोराचाइ होसियार हकिके बसो, किनारइभने मान्‍छेल्‍किन तोराल्‍काइ आठाइके अदालतनाइ सुम्‍पिनार आछत अनि सभाघरनाइ लाकाइके ठाटाइनार आछत। तोरा मोर कारनिन बडा-हाकिम र राजाल्‍को अगाडि ठडाइनार आछो, र मोर बारेनाइ तोराल्‍किन होल्‍काइ साछि दिनारआछो।

मर्‌कुस 3:28

“साँच्‍चि मुइ तोराकाइ बल्छु, मान्‍छेल्‍किन गर्‌ल सेब्‍बे पाप र परमेसोरकर-निन्‍दा छेमा हकइ सक्‍छि,

लुका 15:17

जब होक्‍र चेत खोलल्‍ते र होइनिन बाज्‍ले, ‘मोर ब्‍वाककर घरनाइ धेराइ नोकरकिन पेटभोरि खाइके उब्‍राइछत, तर मुइ चाइ इछि भोकिन मरइ आट्‍लाछु।

लुका 21:12

तर ह्‍य सेब्‍बे कुरो हकइ भन्‍दा पइला मान्‍छेल्‍किन तोराल्‍काइ आठाइनारआछत, सताइनारआछत, सभाघरनाइ लाकाइके सुम्‍पिनारआछत र झ्‍यालखन्‍डनाइ हाल्‍दिनारआछत। तोराल्‍काइ मोर नाउँकर कारन राजा र हाकिमकर अगाडि पुराइनारआछत।

लुका 6:11

ह्‍य देखिके फरिसिलत र धर्‌म-गुरुलत रिसिन चुर हक्‍ला र येसुलाइ अब केति गर्‌नार हो बाजिके सल्‍ला गरइ लाग्‍ला।

पेरित 13:45

मान्‍छेल्‍को बड्‌खो भिड देखिके यहुदिलत डाहन भरिके पावलिन बाज्‍ल कुरोकर बिरोद गर्‌तिन डाउनो गर्‌ला।

पेरित 18:6

तर होल्‍किन पावलकर बिरोद गरिके अपमान गर्‌ला। पावलिन होल्‍काइ चेतावनि देइलाइ आफ्‍ने लुगाकर धुलो टकटकाइतिन बल्‌-ल्‍याक, “तोरा नास हक्‍तिन पुनि आफ्‍ने दोसकर कारनिन नास हक्‍छो, मुइलाइ दोस लाग्‍नार बइने। अबसिन मुइ आने जातिल्‍कोनाइ पर्‌चार गरइ जाइनार आछु।”

पेरित 22:19

मुइनिन बाज्‍नाइ, ‘हे पर्‌भु, मोर बारेनाइ होल्‍काइ सेब्‍बे कुरो था रोइस्‍याक, मुइ धेरइ सभाघरनाइ जाइके तुइलाइ बिस्‍वास गर्‌नारकाइ झ्‍यालखन्‍डनाइ थुन्‍ल र ठाटाइल पुनि सेब्‍बाल्‍किन देख्‍लाछत।

पेरित 22:5

मुइनिन बाज्‍ल ह्‍य कुरो साँच्‍चि हो बाजिके पर्‌धान पुजारि र महासभाकराइ सदस्‍यकिन पुनि साछि देइ सक्‍छत। होल्‍किन ने मुइलाइ दमस्‍कसनाइ हक्‍लाइ यहुदि दाजि-भाइको नाउँनाइ पत्‍र दिला र मुइ उछि हक्‍लाइ बिस्‍वासिल्‍काइ पक्‍रिके यरुसलेमनाइ आनिके सजाय देइलाइ दमस्‍कस जाइतिन रइनाइ।

पेरित 9:1

साउल पर्‌भुकर चेलाल्‍को बिरुद्‌दनाइ अजइ पुनि मार्‌नार धम्‍कि दितिन हिनिधर्‌ल रइल। साउल पर्‌धान पुजारिकर उछि जाइके,