पेरित 22:1 - माझी

¹ “दाजि-भाइ तथा ब्‍वालत, तोराल्‍को अगाडि मुइनिन आफ्‍ने पछ्‌यनाइ बाजइपर्‌नार कुरो अब सुनो।”

पेरित 22:1 ပူးပေါင်းရင်းမြစ်များ

लुका 12:11

“‘जब मान्‍छेल्‍किन तोराल्‍काइ आठाइके सभाघर, हाकिम र न्‍यायधिसकोउछि लाकाइनार आछत। ह्‍व बेला केति बाज्‍नार हो बाजिके चिन्‍ता जुनगरो।

लुका 21:14

होइ हुदान आफि जोगइकर लागि केति बाजइ पर्‌छइ बाजिके पइला ने चिन्‍ता जुनगरो।

पेरित 13:26

“ए दाजि-भाइलत, चाहे अब्‍राहामकराइ सन्‍तान हक्‍दिखन, चाहे परमेसोरकर डर मान्‍नाराइ आने जाति हक्‍दिखन, ह्‍य मुक्‍तिकर सन्‍देस परमेसोरिन हाम्‍रे लागि पाठाइदिल हो।

पेरित 19:33

उछि हक्‍लाइ यहुदिल्‍किन अलेक्‍जेन्‍डरलाइ अगाडि सार्‌ला र भिडकाइ केइ कुरो बलिके बुजाइदिखन बाजिके अलेक्‍जेन्‍डरलाइ होल्‍किन बल्‍ला। होइनिन हातिन इसारा गर्‌तिन यहुदिल्‍को बचाउकर लागि केइ बाज्‍नार कोसिस गर्‌ले।

पेरित 23:1

पावलिन महासभानाइ हक्‍लाइ सेब्‍बाल्‍काइ मजसिन हेर्‌तिन बाज्‍ले, “दाजि-भाइ हो, आजकर दिनसम्‍म मुइनिन परमेसोरकर अगि सुद्‌द बिबेकिन जिबन बिताइ धर्‌लाछु।”

पेरित 23:6

अनि पावलिन ह्‍व महासभानाइ सदुकि र फरिसिलत आछत बाजिके था पाइले र बड्‌खो सोरिन बाज्‍ले, “दाजि-भाइ हो, मुइ ता फरिसिकर बेटाक फरिसि ने हो, मुइनिन मर्‌ल मानुस फेरि जिउँते हक्‍छइ बाजिके आस गर्‌ल कारनिन इछि मोर मुद्‌दा चलिधर्‌लाछि।”

पेरित 24:10

बडा-हाकिमिन हातकर इसारान पावललाइ बाज्‍नार आग्‍या दिलपछि पावलिन बाज्‍ले, “तुइ धेरइ बर्‌ससिन यहुदिल्‍को न्‍यायधिस हक्‍ल कुरो मुइलाइ था आछ। होइहुदान तोर अगाडि आफ्‍ने बचाउकर लागि बयान देइ मुइलाइ खुसि लाग्‍लाछ।

पेरित 25:16

तर मुइनिन होल्‍काइ बल्‍नाइ, ‘दोस लाइनार र दोस लाइल मानुस आम्‍ने-साम्‍ने हकिके आफ्‍ने बिरुद्‌दनाइ लाइल दोसकर बारेनाइ बाज्‍नार मउका नपाइके मान्‍छेल्‍काइ दन्‍ड दिनार रोमि सरकारकर चलन बइने।’

पेरित 25:8

पावलिन आफ्‍ने पछ्‌यनाइ बाज्‍तिन बल्‌-ल्‍याक, “मुइनिन न ता यहुदि नियमकर बिरुद्‌दनाइ, न ता मन्‍दिरकर बिरुद्‌दनाइ, न ता रोमि सरकारकर बिरुद्‌दनाइ केइ गल्‍ति गर्‌लाछु।”

पेरित 26:24

पावलिन ह्‍य कुरो बाज्‍तिन गर्‌तिन फेस्‍तसिन बड्‌खो सोरिन साराइतिन बाज्‍ले, “ए पावल, तुइ बउलाइलइ, तोर धेरे ग्‍यानिन तुइलाइ बोउला बानाइल्‍यास।”

पेरित 28:17

तिन दिनपछि पावलिन उछिराइ यहुदिल्‍को अगुवाल्‍काइ बालाइल्‍याक। होलत जम्‍मा हक्‍लपछि पावलिन बल्‌-ल्‍याक, “दाजि-भाइ हो, मुइनिन ता हाम्‍रो जाति र हाम्‍रो पुर्‌खादेखि चल्‍तिन आइल रितिथितिकर बिरुद्‌दनाइ केइ काम बइगर्‌तिन पुनि यहुदि दाजि-भाइकिन मुइलाइ यरुसलेमनाइ आठाइके रोमिल्‍को जिम्‍मानाइ सुम्‍पिदिला।

पेरित 7:2

इस्‍तिफनसिन बाज्‍ले, “मोर दाजि-भाइ र ब्‍वालत, मोर कुरो ध्‍यान दिके सुनो, हाम्‍रो पुर्‌खा अब्‍राहाम हाराननाइ जाइ भन्‍दा अगाडि मेसोपोटामियानाइ हक्‍तिन महिमाकर परमेसोर देखा पर्‌ले,

२ तिमोथि 4:16

मोर पइलो मुद्‌दा चल्‍तिन कुन्‍नुल्‍किन मोर पछ्‌यनाइ बइबाज्‍ला, तर सेब्‍बाल्‍किन मुइलाइ छाड्‌ला। ह्‍य कुरोकर दोस होल्‍काइ जुनलाग्‍दिक।