पेरित 21:3 - माझी

³ अनि साइपरस टापु देखा परल्‍ते र हाइ होक्‍र दाइनेपट्‍यान सिरियादिस लाग्‍ले। टुरोस सहरनाइ सामान झारइ पर्‌ल हुदान जहाज उछि छेउ लाइला र हाइ पुनि उछि झर्‌ले।

पेरित 21:3 ပူးပေါင်းရင်းမြစ်များ

लुका 10:13

“हे खोराजिन र बेथसेदा सहरकराइ मान्‍छेलत, धिक्‍कार तोराल्‍काइ! तोराल्‍को माजनाइ गर्‌ल अचम्‍मकर कामलत टुरोस र सिदोन सहरनाइ गर्‌ल हक्‍लान उछिराइ मान्‍छेल्‍किन धेरइ अगाडि ने आ-आफ्‍ने पाप छाडिके भाङ्‌रा लाइके खरानिनाइ बसिके पस्‍चताप गर्‌नाला।

लुका 2:2

इत्‍तिके नाउँ लेखाइ पर्‌छइ बाजिके हुकुम गर्‌ल ह्‍य पइलो चोटि रल्‍ति। ह्‍व बेला सिरिया छेत्‍रकर बडा-हाकिम कुरेनियस रइल।

पेरित 11:19

इस्‍तिफनसलाइ मार्‌ल पछि सतावट सुरु हकल्‍ते, र बिस्‍वासिलत छरपस्‍ट हकिके कोइ फोनिके छेत्‍र, कोइ साइपरस टापु र कोइ एन्‍टिओखिया सहरसम्‍म पुग्‍ला। होल्‍किन यहुदिल्‍काइ मात्‍र सुसमचार सुनाइला।

पेरित 12:20

ह्‍व समयनाइ हेरोद टुरोस र सिदोन सहरकराइ मान्‍छेल्‍कोसिन एकदम रिसाइल रइल। होलत एक जुट हकिके राजालाइ भेट्‌टाइ आइला, र राजाकरे नजिककर कर्‌मचारि बलस्‍तसलाइ खुसि पारिके मिलापकर लागि बिन्‍ति गर्‌ला। किनारइभने होल्‍किन अन्‍न हेरोदकर देसबान आन्‍तेला।

पेरित 13:4

बारनाबास र साउललाइ पबित्‍र आत्‍मान पाठाइल्‍याक र होलत सिलुकियानाइ पुग्‍ला अनि उछ्‌यान जहाज चडिके साइपरस टापुनाइ जाइला।

पेरित 15:23

ह्‍व चारुटाको हातनाइ होल्‍किन इन्‍खा पत्‍र पाठाइला, “एन्‍टिओखिया, सिरिया र किलिकियानाइ हक्‍लाइ आने जातकराइ बिस्‍वासि दाजि-भाइकाइ, पेरितको र एल्‍डरकोबान सेवाढोग।

पेरित 15:39

ह्‍य कुरोनाइ पावल र बारनाबासकर बड्‌खे बाजाबाज हकल्‍ते, र होलत छुट्‌टिला। होइहुदान बारनाबासिन मर्‌कुसलाइ सँगिन लिके जहाज चडिके साइपरस जाइले।

पेरित 15:41

होलत सिरिया र किलिकिया हकिके जाइतिन होल्‍किन उछिकर मन्‍डलिकाइ बिस्‍वासनाइ बल्‌-ल्‍यो बानाइतिन जाइला।

पेरित 18:18

पावल धेरइ दिनसम्‍म बिस्‍वासि दाजि-भाइकोसिन कोरिन्‍थनाइ बस्‍ले। ह्‍व पछि बिदा हकिके किङ्‌किरियानाइ आइपुग्‍ले। होइसिन पिरिस्‍किला र अकिलास पुनि रइला। आफिन गर्‌ल भाकल पुरा गरइकर लागि किङ्‌किरियानाइ आफ्‍ने कापाल खउरिले र जहाजनाइ चडिके सिरिया जाइला।

पेरित 21:16

कइसरियाकराइ केइ बिस्‍वासिलत पुनि हाइसिन जाइला, र होल्‍किन हाइलाइ साइपरस टापुकर एउटो पुरानो बिस्‍वासि मनासोनकर घरनाइ बास बसइ लाकाइला।

पेरित 21:2

उछिका फोनिकेसम्‍म जाइनार एउटो जहाज भेट्‌टाइले र हाइ होइ जहाजनाइ चडिके जाइले।

पेरित 21:7

हाइ टुरोसबान समुन्‍द्‌रकर यात्‍रा गर्‌तिन टोलेमाइसनाइ पुग्‍ले। अनि उछि हक्‍लाइ बिस्‍वासिल्‍काइ भेट्‌टाइके सेवाढोग गर्‌ले र होल्‍कोसिन एक दिन बस्‍ले।

पेरित 27:4

फेरि उछ्‌यान हाइ हिन्‍ले, तर अगाडिबान बड्‌खो बातास चल्‍ल हुदान हाइ साइपरस टापुकर आड लिके छेउ-छेउ हक्‍तिन जाइले।

पेरित 4:36

ह्‍व दिननाइ साइपरस देसकर लेबि कुलकर योसेफ रइल, ह्‍यलाइ पेरितकिन बारनाबास बाजिके बालाइतेला, हेक्‍र अर्‌थ “उत्‍साह दिनार मानुस” हो।