पेरित 2:47 - माझी

⁴⁷ र सदइ परमेसोरकर पर्‌सन्‍सा गर्‌तेला। सेब्‍बाइ मान्‍छेल्‍किन होल्‍काइ मजाराइ मान्‍छेलत हो बाजिके ठान्‍तेला। अनि मुक्‍ति पाइनारको सङ्‌ख्‍या होल्‍को समुहनाइ परमेसोरिन दिन-दिने थपिदिल्‍याक।

पेरित 2:47 ပူးပေါင်းရင်းမြစ်များ

लुका 19:48

तर होल्‍किन येसुलाइ मार्‌नार केइ उपाय बइभेट्‌टाइला किनारइभने सेब्‍बाइ मान्‍छेल्‍किन येसुकर सिछ्‌या सुनइ मन पराइतेला।

लुका 2:52

अनि येसु बुद्‍दिनाइ, सरिरनाइ र परमेसोर र मान्‍छेल्‍को मयानाइ बाढ्‌तिन जाइले।

पेरित 11:21

पर्‌भुकर सक्‍ति होल्‍कोसिन हक्‍ल हुदान धेराइ मान्‍छेलत बिस्‍वास गरिके पर्‌भुनाइ फर्‌किला।

पेरित 11:24

किनारइभने बारनाबास बिस्‍वास र पबित्‍र आत्‍मान भरिपुर्‌न हक्‍ल असल मानुस रइल, अनि होइनिन धेराइ मान्‍छेल्‍काइ पर्‌भुनाइ आन्‍ल्‍याक।

पेरित 13:48

ह्‍य कुरो सुनिके आने जातिलत रामाइतिन परमेसोरकर बचनकर पर्‌सन्‍सा गरइ लाग्‍ला। अजम्‍बरि जिबनकर लागि छानिलाइ जत्‍ताल्‍किन येसुनाइ बिस्‍वास गर्‌ला।

पेरित 14:1

आइकोनियननाइ पुनि पावल र बारनाबास यहुदिल्‍को सभाघरनाइ जाइके इन्‍खा कुरो बाज्‍ला, कि उछि हक्‍लाइ धेराइ यहुदि र आने जातकराइ मान्‍छेल्‍किन पर्‌भुनाइ बिस्‍वास गर्‌ला।

पेरित 14:21

पावल र बारनाबासिन डर्‌बि सहरनाइ सुसमचार पर्‌चार गरिके धेराल्‍काइ पर्‌भु येसुकर चेला बानाइला। ह्‍व पछि होलत लुस्‍त्‍रा र आइकोनियन हक्‍तिन पिसिदियाकर एन्‍टिओखियानाइ फर्‌किला।

पेरित 16:5

इत्‍तिके मन्‍डलिकराइ सेब्‍बाइ बिस्‍वासनाइ बल्‌-ल्‍यो हक्‍तिन जाइला र दिन-दिने पर्‌भुनाइ बिस्‍वास गर्‌नाराइ मान्‍छेलत थपितिन जाइला।

पेरित 17:12

होइहुदान धेराइ यहुदिल्‍किन पर्‌भुनाइ बिस्‍वास गर्‌ला, अनि आनेल्‍किन आदर गर्‌नाराइ धेराइ गिरिक बेटिल्‍किन र अडेल्‍किन पुनि बिस्‍वास गर्‌ला।

पेरित 2:39

किनारइभने ह्‍य पर्‌तिग्‍या तोराल्‍को लागि, तोराल्‍को बेटार-बेटेरको लागि, र बद्‌दुरनाइ हक्‍लाइ सेब्‍बाल्‍को लागि हो, जुन्‍लाइ परमपर्‌भु हाम्‍रो परमेसोरिन बालाइछइ।”

पेरित 2:41

जत्‍ताल्‍किन पत्‍रुसिन बल्‍ल कुरोनाइ बिस्‍वास गर्‌ला, होल्‍किन बप्‍तिस्‍मा लिला र ह्‍व दिन लगभग तिन हजार जत्‍ता मान्‍छेलत होल्‍को सङ्‌ख्‍यानाइ थपिला।

पेरित 4:21

महासभाकराइ मान्‍छेल्‍किन पत्‍रुस र युहन्‍नालाइ सजाय दिनार केइ उपाय बइभेट्‌टाइला, होइहुदान होल्‍काइ अजइ धेरे धम्‍कि दिके छाड्‌दिल्‍याक। किनारइभने होल्‍किन गर्‌ल अचम्‍मकर काम देखिके सेब्‍बाइ मान्‍छेल्‍किन परमेसोरकर पर्‌सन्‍सा गरिधर्‌लाइ रइला।

पेरित 4:33

पर्‌भु येसु मर्‌लबान जिउँते हक्‍लाछ बाजिके पेरितकिन बड्‌खो सक्‍ति पाइके साछि दितेला, र सेब्‍बाइ उप्‍रान परमेसोरकर बड्‌खो अनुगरह रल्‍ति।

पेरित 4:4

तर बचन सुन्‍नाराइ धेराल्‍किन बिस्‍वास गर्‌ला, र बिस्‍वास गर्‌नाराइ अडेल्‍को सङ्‌ख्‍या लगभग पाँच हजार हकल्‍ते।

पेरित 6:1

ह्‍व दिननाइ चेलाल्‍को सङ्‌ख्‍या बाढ्‌तिन जाइल रल्‍ति, बाढ्‌तिन जाइतिन हिब्‍रु भासा बाज्‍नाराइ यहुदिल्‍को बिरुद्‌दनाइ गिरिक भासा बाज्‍नाराइ यहुदिल्‍किन गनगन गर्‌ला, किनारइभने दिन्‍ने खाइनार कुरो बाड्‌तिन हाम्‍राइ बिद्‌दुइको मजसिन वास्‍ता बइगर्‌ला बाजिके गिरिक भासा बाज्‍नाराइ यहुदिल्‍को भनाइ रल्‍ति।

पेरित 6:7

परमेसोरकर बचन फइलितिन जाल्‍ते र चेलाल्‍को सङ्‌ख्‍या यरुसलेमनाइ एकदम बाढ्‌तिन जाल्‍ते। धेराइ पुजारिल्‍किन पुनि येसुनाइ बिस्‍वास गर्‌ला।

पेरित 9:31

इनिखे सारा यहुदियानाइ, गालिलनाइ र सामरियानाइ हक्‍ल सेब्‍बे मन्‍डलिनाइ सान्‍ति हकल्‍ते। पर्‌भुकराइ चेलालत पबित्‍र आत्‍माबान साहस पाइके मन्‍डलि बाढ्‌तिन जाल्‍ते। चेलालत परमेसोरकर डर मान्‍तेला र मान्‍छेल्‍को सङ्‌ख्‍या थपितिन जाल्‍ते।

पेरित 9:35

होलाइ बिसेक हक्‍ल देखिके लुड्‌डा र सारोननाइ बस्‍लाइ सेब्‍बाइ मान्‍छेल्‍किन पर्‌भुलाइ बिस्‍वास गर्‌ला।