पेरित 2:43 - माझी

⁴³ मान्‍छेल्‍को हिर्‌दयनाइ डर उत्‍पन्‍न हकल्‍ते, र पेरितकिन धेरे अचम्‍मकर काम र चिन्‍नलत देखाइला।

पेरित 2:43 ပူးပေါင်းရင်းမြစ်များ

मर्‌कुस 16:17

बिस्‍वास गर्‌नारकोसिन इन्‍खा चिन्‍न हक्‍नार आछि, मोर नाउँनाइ होल्‍किन भुतलत निकाल्‍नार आछत र नयाँ-नयाँ भासा बाज्‍नार आछत,

लुका 7:16

इन्‍खा सक्‍ति देखिके सेब्‍बाइ मान्‍छेलत छक्‍क पर्‌तिन डाराइला अनि परमेसोरकर पर्‌सन्‍सा गर्‌तिन बाज्‍ला, “एउटो बड्‌खो अगमबक्‍ता हाम्‍रो माजनाइ देखा पर्‌लाछ” र “परमेसोर आफ्‍ने जनकाइ बाचाइ आइलाछ।”

लुका 8:37

ह्‍व पछि गेरासेनसकर आसपासकराइ सेब्‍बाइ मान्‍छेल्‍किन येसुलाइ इछ्‌यान जाइहाल बाजिके बिन्‍ति गर्‌ला, किनारइभने होलत एकदम डाराइलाइ रइला। होइ हुदान येसु फर्‌कइलाइ लाउनाइ चड्‌ले।

पेरित 2:22

“हे इज्‍राएलकराइ मान्‍छे हो, ह्‍य कुरो सुनो, परमेसोरिन नासरतकर येसुमार्‌फत तोराल्‍को माजनाइ सक्‍तिसालि कामलत, अचम्‍मकर कामलत र चिन्‍नलत देखाइल तोराल्‍काइ था ने रोइस्‍या। ह्‍व कामबान परमेसोरिन नासरतकर येसुलाइ आफिन पाठाइल हो बाजिके पर्‌मानित गर्‌ले।

पेरित 4:33

पर्‌भु येसु मर्‌लबान जिउँते हक्‍लाछ बाजिके पेरितकिन बड्‌खो सक्‍ति पाइके साछि दितेला, र सेब्‍बाइ उप्‍रान परमेसोरकर बड्‌खो अनुगरह रल्‍ति।

पेरित 5:5

ह्‍य कुरो सुन्‍लेसात हननिया भुइनाइ लड्‌ले र मर्‌ले। ह्‍य सुन्‍नाराइ सेब्‍बाइ एकदम डाराइला।

पेरित 9:34

पत्‍रुसिन होलाइ बलल्‍ते, “ए एनियास, येसु खिरिस्‍टिन तुइलाइ बिसेक पार्‌स्‍यास। उठिके आफ्‍ने ओछ्‌यान मिलाउ।” एनियास तुरुन्‍तइ उठिहाल्‍ले।

पेरित 9:40

पत्‍रुसिन होल्‍काइ कोठाबान बाइर पाठाइल्‍याक र घोडा टेकिके पार्‌थना गर्‌ले। अनि पत्‍रुसिन लासदिस फर्‌किके बाज्‍ले, “ए तबिता, उठ!” होइनिन आँखि खोल्‍तिन पत्‍रुसलाइ देख्‍लि र उठिके बस्‍लि।