पेरित 2:4 - माझी

⁴ अनि होलत सेब्‍बाइ पबित्‍र आत्‍मान भरिपुर्‌न हक्‍ला, र होल्‍किन पबित्‍र आत्‍माबान बाज्‍नार सक्‍ति पाइके आने भासानाइ बाजइ लाग्‍ला।

पेरित 2:4 ပူးပေါင်းရင်းမြစ်များ

मर्‌कुस 16:17

बिस्‍वास गर्‌नारकोसिन इन्‍खा चिन्‍न हक्‍नार आछि, मोर नाउँनाइ होल्‍किन भुतलत निकाल्‍नार आछत र नयाँ-नयाँ भासा बाज्‍नार आछत,

लुका 1:15

किनारइभने ह्‍व परमपर्‌भुकर हेराइनाइ बड्‌खो मानुस हक्‍नारआछ। होइनिन अङ्‌गुरकर मद्‌य र आने कुनइ पुनि मात्‍नार चिज खाइनार बइने। ह्‍व आमेककर पेटनाइ हक्‍तिन ने पबित्‍र आत्‍मान भरिपुर्‌न हक्‍नारआछ।

लुका 1:41

एलिसिबान मरियमिन सेवाढोग गर्‌ल सुन्‍लेसात होक्‍र पेटनाइ हक्‍ल नानि चल्‍ले र एलिसिबा पबित्‍र आत्‍मान भरिपुर्‌न हक्‍लि।

लुका 1:67

जकरिया पबित्‍र आत्‍मान भरिपुर्‌न हकिके बाजइ लाग्‍ले,

लुका 12:12

किनारइभने होइ बेला तोराल्‍किन केति बाजइ पर्‌नार हो पबित्‍र आत्‍मान सिकाइनार आछ।’”

लुका 21:15

किनारइभने मुइ तोराल्‍काइ इन्‍खा सब्‍द र बुद्‌दि दिनारआछु कि तोराल्‍किन बाज्‍ल तोराल्‍को बिरोदिल्‍किन जबाफ देइ बइसकत र बिरोद गरइ पुनि बइसकत।

लुका 4:1

येसु पबित्‍र आत्‍मान भरिके यर्‌दन लदिबान फर्‌किले। पबित्‍र आत्‍मान येसुलाइ केइ बइहक्‍नार उजाड ठउँनाइ लाकाल्‍ते।

पेरित 1:5

किनारइभने युहन्‍नान ता पानिकर बप्‍तिस्‍मा दितेल, तर अबकर केइ दिन पछि तोराल्‍किन पबित्‍र आत्‍माकर बप्‍तिस्‍मा पाइनारआछो।”

पेरित 1:8

तर पबित्‍र आत्‍मा तोराल्‍कोनाइ आइल पछि तोराल्‍किन सक्‍ति पाइनारआछो, र तोरा यरुसलेमनाइ, सेब्‍बे यहुदियानाइ, सामरियानाइ र धर्‌तिकर कुना-कुनासम्‍म मोर साछि हक्‍नारआछो।”

पेरित 10:46

किनारइभने होल्‍किन आने भासानाइ बाज्‍लाइ र परमेसोरकर पर्‌सन्‍सा गरिधर्‌ल सुन्‍ला। तब परत्‍रुसिन बल्‌-ल्‍याक,

पेरित 10:47

“हाइ जिन्‍खाए हेल्‍किन पुनि पबित्‍र आत्‍मा पाइलाछत। अब ह्‍य मान्‍छेल्‍काइ पानिकर बप्‍तिस्‍मा लेइलाइ कुनिन रोकइ सक्‍छइ र?”

पेरित 11:15

जब मुइ बाजइ थाल्‍नाइ, तब सुरुनाइ हाइउप्‍रान पबित्‍र आत्‍मा आइल जिन्‍खाए होलत उप्‍रान पुनि आइले।

पेरित 11:24

किनारइभने बारनाबास बिस्‍वास र पबित्‍र आत्‍मान भरिपुर्‌न हक्‍ल असल मानुस रइल, अनि होइनिन धेराइ मान्‍छेल्‍काइ पर्‌भुनाइ आन्‍ल्‍याक।

पेरित 13:52

तर एन्‍टिओखियानाइ हक्‍लाइ चेलालत चाइ आनन्‍द र पबित्‍र आत्‍मान भरिपुर्‌न हक्‍ला।

पेरित 13:9

तर साउल (जुन्‍लाइ पावल पुनि बाज्‍छत) पबित्‍र आत्‍मान भरिपुर्‌न हकिके एलुमासलाइ एकडिस लाइके हेर्‌तिन बाज्‍ले,

पेरित 15:8

सेब्‍बाइ मान्‍छेल्‍को हिर्‌दयकर कुरो जान्‍नार परमेसोरिन आने जातिल्‍काइ पुनि हाइलाइ जिन्‍खाए पबित्‍र आत्‍मा दिके सुइकार गर्‌ल कुरो हाइलाइ देखाइले।

पेरित 19:6

जब पावलिन आफ्‍ने हात होलतउप्‍रान धर्‌ले, तब पबित्‍र आत्‍मा होलतउप्‍रान आइले, र होल्‍किन आने भासा बाज्‍ला र अगमबानि गर्‌ला।

पेरित 2:11

केरेटकराइ र अरबबान आइलाइ मान्‍छेलत आछे, हेल्‍किन परमेसोरिन गर्‌ल महान कामकर बारेनाइ बाज्‍ल हाइ आ-आफ्‍ने भासानाइ सुन्‍तिन आछे।”

पेरित 2:3

अनि होल्‍को माजनाइ आगिकर ज्‍वाला जिन्‍खाए देखा परल्‍ते, र होलत सेब्‍बाइ उप्‍रान भाग-भाग हकिके बसल्‍ते।

पेरित 4:31

होल्‍किन पार्‌थना गरिसक्‍लपछि, होलत जम्‍मा हक्‍ल ठउँ हल्‍लिल्‍ते। होलत सेब्‍बाइ पबित्‍र आत्‍मान भरिपुर्‌न हक्‍ला र होल्‍किन परमेसोरकर बचन साहससिन बाजइ लाग्‍ला।

पेरित 4:8

तब पबित्‍र आत्‍मान भरिपुर्‌न हकिके पत्‍रुसिन होल्‍काइ बल्‌-ल्‍याक, “मान्‍छेल्‍को सासकलत र अगुवालत हो,

पेरित 6:3

होइहुदान दाजि-भाइ हो, तोराल्‍को माजबान पबित्‍र आत्‍मा र बुद्‌दिन भरिलाइ र सेब्‍बाल्‍को आदर पाइलाइ सात जनकाइ छानो। हाइ ह्‍य कामकर जिम्‍मा होल्‍काइ दिनारआछे।

पेरित 6:5

ह्‍य कुरो समुहकराइ सेब्‍बाल्‍काइ मन पर्‌ल्‍याक, अनि होल्‍किन बिस्‍वास र पबित्‍र आत्‍मान भरिपुर्‌न हक्‍ल इस्‍तिफनसलाइ छान्‍ला र सङ्‌सगे फिलिप, पर्‌खरस, निकनोर, तिमोन, पर्‌मिनास र एन्‍टिओखिया सहरकर यहुदि धर्‌मनाइ आइल निकोलाउसलाइ छान्‍ला।

पेरित 6:8

इस्‍तिफनस अनुगरह र सक्‍तिन भरिपुर्‌न हकिके मान्‍छेल्‍को माजनाइ अचम्‍म-अचम्‍मकर काम गर्‌तिन चिन्‍नलत देखाइतेल।

पेरित 7:55

तर इस्‍तिफनस पबित्‍र आत्‍मान भरिपुर्‌न हकिके स्‍वर्‌गदिस एकडिस लाइके हेर्‌ले, अनि परमेसोरकर महिमा र येसुलाइ परमेसोरकर दाइनेपटि ठडाइधर्‌ल देख्‍ले।

पेरित 8:17

तब पत्‍रुस र युहन्‍नान आफ्‍ने हात होलत उप्‍रान धर्‌ला, र होल्‍किन पबित्‍र आत्‍मा पाइला।

पेरित 9:17

अनि हननिया जाइके यहुदाकर घरभित्‍र पस्‍ले र साउल उप्‍रान आफ्‍ने हात धर्‌तिन बाज्‍ले, “मोर भाइ साउल, तुइ इछि आइतिन बाटनाइ देख्‍ल पर्‌भु येसुन ने तुइनिन फेरि देखइ सक र पबित्‍र आत्‍मान भरिपुर्‌न हक बाजिके मुइलाइ पाठाइल हो।”