पेरित 2:24 - माझी

²⁴ तर परमेसोरिन होलाइ मर्‌लबान जिउँते पारल्‍ते, र मिर्‌त्‍युकर बन्‍धनबान छुटाल्‍ते, किनारइभने मिर्‌त्‍युन येसुलाइ रोकिधरइ असम्‍भब रल्‍ति।

पेरित 2:24 ပူးပေါင်းရင်းမြစ်များ

पेरित 1:16

“दाजि-भाइ हो, धर्‌मसास्‍तरनाइ लेख्‍ल बचन पुरा हकइ पर्‌नार रल्‍ति, जुन बचन येसुलाइ पक्‍राइनारको अगुवा यहुदा इस्‍करियोतकर बारेनाइ दाउदकर मुखबान पइला ने पबित्‍र आत्‍मान बाज्‍ल रइल।

पेरित 13:30

तर परमेसोरिन येसुलाइ मर्‌लबान जिउँते पारल्‍ते।

पेरित 13:37

तर परमेसोरिन जुन्‍लाइ मर्‌लबान जिउँते पारल्‍ते होक्‍र जिउचाइ बइसेराल्‍ते।

पेरित 17:31

किनारइभने सन्‍सारकर सेब्‍बाइ मान्‍छेल्‍को न्‍याय गर्‌नार एक दिन परमेसोरिन तोक्‍दिलाछ, र ह्‍व दिन परमेसोर आफिन छान्‍ल मानुसबान ठिक इन्‍साफ गर्‌नारआछ। होलाइ मर्‌लबान जिउँते पारिके परमेसोरिन सेब्‍बाइ मान्‍छेल्‍काइ हेक्‍र पर्‌मान दिलाछ।”

पेरित 2:32

हेइ येसुलाइ परमेसोरिन जिउँते पारल्‍ते अनि हेइ कुरोकर हाइ सेब्‍बाइ साछि आछे।

पेरित 3:15

जिबन दिनारलाइ तोराल्‍किन मार्‌लो, तर परमेसोरिन होलाइ मर्‌लबान जिउँते पारल्‍ते, अनि हेइ कुरोकर हाइ साछि आछे।

पेरित 3:26

तोरा सेब्‍बाल्‍काइ आफ्‍ने दुस्‍ट कामबान फर्‌काइकइ आसिस देइलाइ परमेसोरिन आफ्‍ने सेबकलाइ छानिकइ होलाइ सबभन्‍दा पइला तोराल्‍कोनाइ ने पाठाइले।”

पेरित 4:10

तोराल्‍काइ र इज्‍राएलकराइ सेब्‍बाइ मान्‍छेल्‍काइ था हक्‍दिक कि तोराल्‍किन कुरुसनाइ टागिकइ मार्‌लाइ, र परमेसोरिन मर्‌लबान जिउँते पार्‌ल, होइ नासरतकर येसु खिरिस्‍टकर नाउँनाइ ह्‍य मानुस तोराल्‍को अगाडि बिसेक हकिके ठडाइलाछ।

पेरित 5:30

तोराल्‍किन कुरुसनाइ टागिकइ मार्‌ल येसुलाइ हाम्‍रो पुर्‌खाल्‍को परमेसोरिन जिउँते पारल्‍ते।

१ थेसलोनिकि 1:10

अनि परमेसोरकर बेटाक येसुलाइ परमेसोरिन मर्‌लबान जिउँते पारल्‍ते, र ह्‍व स्‍वर्‌गबान आइनारआछ बाजिके तोरा अस्‍याइधर्‌लाछो। होइनिन हाइलाइ आइ लाग्‍ल परमेसोरकर दन्‍डबान बाचाइछइ।