पेरित 2:17 - माझी

¹⁷ ‘अन्‍त्‍यकर समयनाइ इन्‍खा हक्‍छि बाजिके परमेसोरिन बाज्‍लाछ, मुइ सेब्‍बाइ मान्‍छे उप्‍रान मोर आत्‍मा खन्‍याइनारआछु, अनि तोराल्‍को बेटार-बेटेरकिन अगमबानि बाज्‍नार आछत, र छोडारिकिन दर्‌सन देख्‍नार आछत, र बुढापाकाल्‍किन चाइ सपना देख्‍नार आछत।

पेरित 2:17 ပူးပေါင်းရင်းမြစ်များ

लुका 3:6

अनि सेब्‍बाइ मान्‍छेल्‍किन परमेसोरिन पाठाइल मुक्‍ति देख्‍नारआछत।’”

पेरित 10:45

आने जातिल्‍काइ पुनि परमेसोरिन पबित्‍र आत्‍माकर बरदान दिल देखिके पत्‍रुस सँगिन आइलाइ यहुदि बिस्‍वासिलत छक्‍क पर्‌ला।

पेरित 11:27

होइ बेला कोइ अगमबक्‍तालत यरुसलेमबान एन्‍टिओखियानाइ आइला।

पेरित 11:28

होलतमद्‌दे अगाबस नाउँ गर्‌ल एउटो अगमबक्‍तान ठडाइके धर्‌तिभरि ने बड्‌खो अनिकाल पर्‌नारआछि बाजिके पबित्‍र आत्‍माकर सक्‍तिबान अगमबानि गर्‌ले। ह्‍व अनिकाल पछि रोमि बड्‌खो राजा कलउडियसकर सासनकालनाइ परल्‍ते।

पेरित 2:16

तर योएल अगमबक्‍तान बाज्‍ल कुरो हेइ हो,

पेरित 2:18

ह्‍व समयनाइ मोर सेवा गर्‌नाराइ दास-दासिउप्‍रान मुइ मोर आत्‍मा खन्‍याइनारआछु, अनि होल्‍किन अगमबानि बाज्‍नार आछत।

पेरित 2:33

परमेसोर ब्‍वान येसुलाइ उच्‍च पारिके आफ्‍ने दाइने हातपटि धरल्‍ते, र आफ्‍ने पर्‌तिग्‍या अन्‍सार येसुलाइ पबित्‍र आत्‍मा दिल्‍ते, अनि होइ पबित्‍र आत्‍मा येसुन हाइ उप्‍रान खन्‍याइदिलाछ, होइ कुरो अखन तोराल्‍किन सुन्‍तिन र देख्‍तिन आछो।

पेरित 21:9

होक्‍र चारुटि ब्‍याहा बइगर्‌लाइ बेटेकलत रइला, होल्‍किन अगमबानि बाज्‍नार बरदान पाइलाइ रइला।