पेरित 19:9 - माझी

⁹ तर कत्‍ताल्‍किन मन कठोर पारिके पर्‌भुनाइ बिस्‍वास बइगर्‌ला र पर्‌भुकर बाटकर बिरुद्‌दनाइ मान्‍छेल्‍को अगाडि बाजइ लाग्‍ला। होइहुदान पावल होल्‍को सभानाइ जाइ छाड्‌ले र पर्‌भुनाइ बिस्‍वास गर्‌नाराइ चेलाल्‍काइ आफिसिन लाकाइके टुरान्‍नसकर सिकाइनार ठउँनाइ दिन्‍ने मान्‍छेल्‍कोसिन भेट्‌टाइके पर्‌भु येसुकर बारेनाइ छलफल गर्‌तेल।

पेरित 19:9 ပူးပေါင်းရင်းမြစ်များ

पेरित 11:26

बारनाबासिन साउललाइ भेट्‌टाइके एन्‍टिओखियानाइ आनल्‍ते। होलत धेउटाइ पुरा एक बर्‌ससम्‍म एन्‍टिओखियाकर मन्‍डलिकराइ मान्‍छेल्‍कोसिन भेटघाट गर्‌ला र धेराल्‍काइ सिकाइला। चेलाल्‍काइ पइलो चोटि एन्‍टिओखियानाइ ने खिरिस्‍टियन बल्‍ल हो।

पेरित 14:4

तर ह्‍व सहरकराइ मान्‍छेल्‍कोनाइ फाटो आल्‍ते, र कोइ यहुदिलत दिसउने र कोइचाइ पेरितलत दिसउने लाग्‍ला।

पेरित 17:4

होलत मद्‌दे केइकिन पर्‌भुनाइ बिस्‍वास गरिके पावल र सिलासदिस लाग्‍ला। इन्‍खाए ने परमेसोरकर डर मान्‍नाराइ धेराइ गिरिकलत र नाउँ चल्‍लाइ धेराइ बेटिलत पुनि पर्‌भुनाइ बिस्‍वास गरिके पावल र सिलासकर पछि लाग्‍ला।

पेरित 19:23

होइ समय उछिका पर्‌भुकर बाटकर बिसयनाइ बड्‌खो होहल्‍ला हकल्‍ते।

पेरित 19:30

पावल मान्‍छेल्‍को भिडनाइ जाइ हेर्‌ले, तर बिस्‍वासिकिन जाइ बइदिला।

पेरित 20:31

होइहुदान मुइनिन तोराल्‍काइ तिन बर्‌ससम्‍म रात-दिन आँसु ब्‍वाइतिन एक-एक गरिके सेब्‍बाल्‍काइ चेतावनि दिल कुरो सम्‍जिकइ होसियार हकिके बसो।

पेरित 22:4

मुइनिन पर्‌भुकर बाटनाइ लाग्‍लाइ मान्‍छेल्‍काइ मर्‌नासम्‍म गरिके सताइल रइनाइ। मुइनिन अडे र बेटिकाइ आठाइके झ्‍यालखन्‍डनाइ थुन्‍दितेन्‍याङ।

पेरित 24:21

होल्‍किन एउटो कुरोनाइ मात्‍र दोस लाइ सक्‍छत, मुइनिन हेइ कुरो होल्‍को माजनाइ ठडाइके बड्‌खो सोरिन साराइकइ बाज्‍ल रइनाइ, ‘मर्‌लाइ मानुसलत फेरि जिउँते हक्‍छत बल्‍ल कुरोनाइ मुइनिन बिस्‍वास गर्‌ल हुदान इछि मोर मुद्‌दा चलिधर्‌लाछि।’”

पेरित 28:22

तर तोर बिचार केति हो, ह्‍व हाइ तुइबान सुनइ चाइछे। किनारइभने तोर समुहकर बारेनाइ जताततइ मान्‍छेल्‍किन बिरोद गर्‌ल मात्‍र हाइलाइ था आछ।”

पेरित 7:51

“हे अट्‌टेरि मान्‍छे हो, तोराल्‍को हिर्‌दय आने जातिल्‍को जिन्‍खाए कठोर र कान बइरा हक्‍लाछि, तोराल्‍किन सदइ पबित्‍र आत्‍माकर बिरोद गर्‌छो। तोराल्‍को पुर्‌खाल्‍किन जिन्‍खाए गर्‌ला तोरा पुनि उन्‍खाए गर्‌छो।

पेरित 9:2

दमस्‍कसनाइ हक्‍लाइ पर्‌भुकर बाटनाइ लाग्‍लाइ अडे-बेटि सेब्‍बाल्‍काइ आठाइके यरुसलेमनाइ आनइ पाउ बाजिके साउलिन दमस्‍कसकर सभाघरकराइ सासककाइ देखाइलाइ अधिकार पत्‍र माङ्‌ले।

१ तिमोथि 6:5

इन्‍खा मान्‍छेलत ता एकोरो कच-कच गरिधर्‌छत, होल्‍को बुद्‌दि बिग्‍रिल हक्‍स्‍याक, होल्‍किन सत्‍य गुमाइ सक्‍लाइ हक्‍छत, होल्‍किन धार्‌मिक सिछ्‌या पालन गरइचाइ धन कामाइनार उपाय हो बाजिके सम्‍जिछत।

२ तिमोथि 1:15

तुइलाइ था रोइस्‍यास, कि एसियानाइ हक्‍नाराइ सेब्‍बाइ मुइबान छुट्‌टिकइ जाइला, होलत मद्‌दे फुगेलस र हर्‌मोगेनस हो।

२ तिमोथि 3:5

र धर्‌मि हो बाजिके टोपल्‍नाराइ, तर परमेसोरकर सक्‍तिन गर्‌ल कामलाइ चाइ इन्‍कार गर्‌नाराइ हक्‍छत। इन्‍खा मान्‍छेल्‍कोसिन बद्‌दुर बस।

२ तिमोथि 4:2

बचन पर्‌चार गर, हर समयनाइ बचन सुनाइ तयार हक, अर्‌ति दिखन, हप्‍काखन, उत्‍साह दिखन र धइरेसाथ सिछ्‌या सिकाखन।