पेरित 18:8 - माझी

⁸ सभाघरकर सासक किरिस्‍पस र होक्‍र सेब्‍बाइ परिवारकिन पर्‌भुनाइ बिस्‍वास गर्‌ला, र कोरिन्‍थकराइ आने धेराइ मान्‍छेल्‍किन पुनि पावलकर पर्‌चार सुनिके बिस्‍वास गर्‌ला र बप्‍तिस्‍मा लिला।

पेरित 18:8 ပူးပေါင်းရင်းမြစ်များ

मर्‌कुस 5:22

सभाघरकर हाकिमलत मद्‌दे याइरस नाउँ हक्‍ल एउटो मानुस येसु हक्‍लनाइ आइले। येसुलाइ देख्‍लेसात होइनिन येसुकर गोडनाइ घोप्‍टो पर्‌ले,

मर्‌कुस 5:35

येसुन इत्‍तिके बाज्‍तिन गर्‌तिन याइरसकर घरबान मान्‍छेलत आइला। र याइरसलाइ बल्‍ला, “तोरि बेटेर मरिसक्‍लि, अब गुरुलाइ किनारे बेर्‌थे दुख दिनार?”

पेरित 10:2

ह्‍व परमेसोरकर बचन पालन गर्‌नार धर्‌मि मानुस रइल। ह्‍व र होक्‍र सेब्‍बाइ परिवारकिन परमेसोरकर डर मान्‍तेला। होइनिन खाँचोनाइ पर्‌लाल्‍काइ खुसि मनिन सायता गर्‌तेल र दिन्‍ने परमेसोरसिन पार्‌थना गर्‌तेल।

पेरित 11:14

होइनिन तुइलाइ बचन सुनाइनारआछ, ह्‍व बचनिन तुइ र तोर सेब्‍बाइ परिवारकिन मुक्‍ति पाइनारआछत।’

पेरित 13:15

मोसान लेख्‍ल परमेसोरकर नियम र अगमबक्‍ताल्‍किन लेख्‍ल किताबबान पढ्‌लपछि सभाघरकराइ सासककिन पावल र बारनाबासलाइ बालाइके बल्‌-ल्‍याक, “ए भाइलत, तोराल्‍कोसिन मान्‍छेल्‍काइ साहस दिनार केइ बचन आछ भने बाजो।”

पेरित 16:34

ह्‍व पछि हाकिमिन होल्‍काइ आफ्‍ने घर लाकाइके केइ खाइनार कुरो दिल्‍याक, र होक्‍र सेब्‍बाइ घर परिवारकिन परमेसोरलाइ बिस्‍वास गर्‌ल हुदान होलत सेब्‍बाइ आनन्‍दित हक्‍ला।

पेरित 18:1

ह्‍व पछि पावल एथेन्‍सबान बिदा हकिके कोरिन्‍थनाइ जाइले।

पेरित 18:17

अनि होलत सेब्‍बाल्‍किन सभाघरकर सासक सोस्‍थेनेसलाइ आठाइके अदालतकर अगाडि ठाटाइला। तर गलियोनिन ह्‍य कुरोकर केइ वास्‍तइ बइगर्‌ले।

पेरित 19:1

अपोल्‍लोस कोरिन्‍थनाइ हक्‍तिन पावल भित्‍रि इलाका हक्‍तिन एफिससनाइ आइले। होइनिन उछिका पर्‌भुलाइ बिस्‍वास गर्‌नाराइ केइ चेलाल्‍काइ भेट्‌टाइल्‍याक।

पेरित 8:12

तर जब फिलिपिन परमेसोरकर राज्‍यकर बारेनाइ र येसु खिरिस्‍टकर नाउँकर बारेनाइ सुसमचार सुनाइले तब धेराइ मान्‍छेल्‍किन फिलिपकर कुरोनाइ बिस्‍वास गर्‌ला, र अडे र बेटिल्‍किन बप्‍तिस्‍मा लिला।

२ तिमोथि 4:20

इरास्‍तस कोरिन्‍थनाइ बस्‍लाछ, र तोरोफिमस बिरामि हक्‍ल हुदान मुइनिन होलाइ मिलेटसनाइ ने छाड्‌लाछिन।