पेरित 18:12 - माझी

¹² जब गलियोन अखइया छेत्‍रकर सासक हक्‍ले, तब यहुदिलत एकजुट हकिके पावललाइ पक्‍रिला, र अदालतनाइ लाकाइके बाज्‍ला,

पेरित 18:12 ပူးပေါင်းရင်းမြစ်များ

पेरित 13:12

अनि ह्‍य देखिके सर्‌गियस पउलुसिन पर्‌भुनाइ बिस्‍वास गर्‌ले, किनारइभने पर्‌भुकर बारेनाइ सिछ्‌या सुनिके ह्‍व छक्‍क पर्‌ल रइल।

पेरित 13:50

तर यहुदिल्‍किन परमेसोरकर डर मान्‍नाराइ मुख्‍य पद पाइलाइ बेटिल्‍काइ, र सहरकराइ मुख्‍य-मुख्‍य मान्‍छेल्‍काइ पावल र बारनाबासकर बिरोद गरइलाइ उस्‍काइल्‍याक र ह्‍व छेत्‍रबान बाइर फुकाल्‍दिल्‍याक।

पेरित 13:7

ह्‍व जादुगर साइपरस टापुकर सासक सर्‌गियस पउलुससिन बस्‍तेल। सर्‌गियस पउलुस बुद्‌दिजिबि मानुस रइल। होइनिन बारनाबास र साउललाइ बालाइके परमेसोरकर बचन सुन्‍नार इछ्‌या गर्‌ले।

पेरित 13:8

तर एलुमास जादुगरिन (गिरिक भासानाइ एलुमासकर अर्‌थ जादुगर हो) सर्‌गियस पउलुसलाइ बिस्‍वासबान फर्‌काइकर लागि बारनाबास र साउललाइ बिरोद गर्‌ले।

पेरित 14:19

ह्‍व पछि पिसिदिया छेत्‍रकर एन्‍टिओखिया र आइकोनियन सहरबान केइ यहुदिलत उछि आइके मान्‍छेल्‍को भिडकाइ उस्‍काइके पावललाइ पाथरिन हिर्‌काइला। अनि मर्‌ले बाजिके होल्‍किन पावललाइ सहर बाइर घिस्‍याइतिन लाकाइला।

पेरित 14:2

तर पर्‌भुनाइ बिस्‍वास बइगर्‌नाराइ यहुदिल्‍किन चाइ आने जातकराइ मान्‍छेल्‍काइ उस्‍काइके पर्‌भुनाइ बिस्‍वास गर्‌नाराइ दाजि-भाइको बिरोद गरइ लाग्‍ला।

पेरित 17:13

तर थेसलोनिकेनाइ हक्‍लाइ यहुदिल्‍किन बेरियानाइ पुनि पावलिन परमेसोरकर बचन पर्‌चार गर्‌तिन आछ बल्‍ल कुरो सुन्‍ला, र होलत बेरियानाइ पुनि आइके भिडकाइ उचालिकइ पावलकर बिरोद गरइ लाग्‍ला।

पेरित 17:5

तर आने यहुदिलत चाइ डाहन भरिके बजारकराइ बदमासकाइ जम्‍मा गरिके सहरनाइ होहल्‍ला गरइ लाइल्‍याक, र पावल र सिलासलाइ भिडकर अगाडि आनइकर लागि होलत यासोनकर घरनाइ जाइके तोड-फोड गर्‌ला।

पेरित 18:11

होइहुदान पावलिन एक बर्‌स छ महिनासम्‍म कोरिन्‍थनाइ बसिके होल्‍काइ परमेसोरकर बचन सिकाइल्‍याक।

पेरित 18:27

ह्‍व पछि अपोल्‍लोस अखइया छेत्‍रनाइ जाइनार मन गर्‌ले, एफिससनाइ हक्‍लाइ पर्‌भुकराइ चेलाल्‍किन होलाइ उछि जाइकर लागि होउसला दिला। अनि उछिराइ बिस्‍वासिल्‍काइ अपोल्‍लोसलाइ स्‍वागत गरइ बाजिके एउटो पत्‍र पाठाइला। उछि पुग्‍ल पछि अपोल्‍लोसिन पर्‌भुकर अनुगरहन गर्‌तिन बिस्‍वासिल्‍काइ धेरइ सायता गर्‌ले।

पेरित 19:21

ह्‍य सेब्‍बे घटनापछि पबित्‍र आत्‍माकर अगुवाइनाइ पावलिन माकेडोनिया र अखइया पुगिके यरुसलेम जाइनार निर्‌नय गर्‌ले। होइनिन बाज्‍ले, “यरुसलेम पुग्‍लपछि मुइ रोम पुनि जाइ पर्‌छइ।”

पेरित 25:10

तर पावलिन बाज्‍ले, “मुइ रोमि सरकारकर न्‍याय आसननाइ ठडाइलाछु, मोर न्‍याय इछि ने हकइ पर्‌छि। किनारइभने यहुदिल्‍को बिरुद्‌दनाइ मुइनिन केइ खराब काम गर्‌ल बइने बाजिके तुइलाइ पुनि मजसिन था रोइस्‍यास।

१ थेसलोनिकि 2:14

किनारइभने दाजि-भाइ हो, तोरा खिरिस्‍ट येसुनाइ यहुदियानाइ हक्‍ल परमेसोरकर मन्‍डलिकर देखासिकि गर्‌नाराइ हक्‍लो, अनि यहुदियाकराइ मन्‍डलिकिन दुख भोग्‍ल जिन्‍खाए तोराल्‍किन पुनि आफ्‍ने जातिराइ मान्‍छेल्‍कोबान दुख भोग्‍लो।

१ थेसलोनिकि 2:16

होल्‍किन हाइलाइ आने जातिराइ मान्‍छेल्‍काइ मुक्‍तिकर कुरो सुनाइ बइदिला। इनिखे सदइ होल्‍किन आफ्‍ने पाप थप्‍तिन जाइला, तर पछि परमेसोरकर रिस होलत उप्‍रान पर्‌लाछि।