पेरित 17:32 - माझी

³² जब होल्‍किन मर्‌लबान जिउँते हक्‍नार कुरो सुन्‍ला, तब कोइ-कोइकिन गिल्‍ला गर्‌ला। तर कत्‍ताल्‍किन चाइ “हाइ हेक्‍र बारेनाइ तुइबान फेरि सुनइ चाइछे” बाज्‍ला।

पेरित 17:32 ပူးပေါင်းရင်းမြစ်များ

लुका 14:18

तर होलत सेब्‍बाल्‍किन एउटो-एउटो बाहाना बानाइके आइ बइमान्‍ला। एउटोन बाज्‍ले, ‘मुइनिन खेत किन्‍लाछु, मुइ ह्‍व खेत हेरइ जाइ पर्‌लाछ। मुइलाइ माफ गर्‌देउ, मुइ आइ बइसकु।’

लुका 22:63

येसुलाइ आठाइके लाकाइनाराइ मान्‍छेल्‍किन येसुलाइ गिल्‍ला गर्‌ला र हिर्‌काइला।

लुका 23:11

ह्‍व पछि हेरोद र होक्‍र सिपाइलत मिलिके येसुलाइ गिल्‍ला गर्‌तिन बइमजार बेबहार गर्‌ला। अनि येसुलाइ राजान लाइनार लुगा लाइदिके पिलातस हक्‍लनाइ ने फर्‌काइदिल्‍ते।

लुका 23:36

सिपाइकिन पुनि आइके येसुलाइ अङ्‌गुरकर आम्‍तो मद्‌य ख्‍वाइकइ गिल्‍ला गर्‌तिन बाज्‍ला,

पेरित 13:41

‘हे गिल्‍ला गर्‌नाराइ हो, अचम्‍म मानो र नस्‍ट हकिजाओ, किनारइभने तोराल्‍को समयनाइ मुइ एउटो इन्‍खा काम गर्‌नारआछु। ह्‍व कामकर बारेनाइ कुन्‍नुल्‍किन तोराल्‍काइ बल्‍तिन पुनि तोराल्‍किन कइले बिस्‍वास गर्‌नाराइ बइने।’”

पेरित 17:18

इपिकिउरि र इस्‍तोइकि दार्‌सनिकलत मद्‌दे पुनि कत्‍ताल्‍किन पावलसिन बाद-बिबाद गर्‌ला। होल्‍किन बाज्‍ला, “ह्‍य बकबके केति बाज्‍छइ?” कत्‍ताल्‍किन चाइ “हेइनिन ता आने बिदेसि देउताकर पर्‌चार गर्‌ल जिन्‍खाए देख्‍छे” बाज्‍ला। किनारइभने पावलिन येसु र मर्‌लबान जिउँते हक्‍नार कुरोकर पर्‌चार गर्‌तेल।

पेरित 17:31

किनारइभने सन्‍सारकर सेब्‍बाइ मान्‍छेल्‍को न्‍याय गर्‌नार एक दिन परमेसोरिन तोक्‍दिलाछ, र ह्‍व दिन परमेसोर आफिन छान्‍ल मानुसबान ठिक इन्‍साफ गर्‌नारआछ। होलाइ मर्‌लबान जिउँते पारिके परमेसोरिन सेब्‍बाइ मान्‍छेल्‍काइ हेक्‍र पर्‌मान दिलाछ।”

पेरित 17:33

ह्‍व पछि पावल सभाबान बिदा हक्‍ले।

पेरित 2:13

तर कत्‍ताल्‍किन चाइ खिसि गर्‌तिन बाज्‍ला “हेलत ताजा अङ्‌गुरकर मद्‌यन मात्‍लाछत।”

पेरित 24:25

तर पावलिन परमेसोरकर धार्‌मिक आग्‍या मानिके काम गरइपर्‌छइ, आफ्‍ने मनलाइ बसनाइ धरइपर्‌छइ र परमेसोरिन न्‍याय गर्‌नार दिन आइतिन आछि बल्‍ल कुरो सुनिके फेलिक्‍सिन आत्‍तितिन बाज्‍ले, “अखनलाइ जा, मउका मिल्‍ल बेलानाइ तुइलाइ फेरि बालाइछु।”

पेरित 25:19

तर होल्‍को बाद-बिबाद चाइ होल्‍के धर्‌मकर बारेनाइ र मरिसक्‍ल येसुकर बारेनाइ रल्‍तिसइ। पावलिन चाइ मरिसक्‍ल येसुलाइ अखन पुनि जिउँते आछ बाजिके दाबि गरिधर्‌ल रइल।

पेरित 26:8

परमेसोरिन मर्‌ल मान्‍छेल्‍काइ जिउँते पार्‌छइ बाज्‍नार कुरोनाइ किनारइ तोरा बिस्‍वास गरइ बइसको?